LPG Price Hike: મોંઘુ થયુ ગેસ સિલિન્ડર, નવી કિંમતો આજથી લાગુ
LPG Price Hike: ઓગસ્ટ મહિનો શરૂ થતાની સાથે જ મોંઘા એલપીજી ગેસ સિલિન્ડરથી લોકો હેરાન પરેશાન થઈ ગયા છે. બજેટ બાદ તેલ કંપનીઓએ એલપીજી સિલિન્ડરના ભાવમાં વધારો કર્યો છે.
જોકે, આ વધારો 19 કિલોના કોમર્શિયલ સિલિન્ડરમાં કરવામાં આવ્યો છે. સારી વાત એ છે કે 14 કિલોના એલપીજી સિલિન્ડરની કિંમતમાં કોઈ ફેરફાર કરવામાં આવ્યો નથી, જેનાથી સામાન્ય લોકોને ચોક્કસ રાહત મળી છે.
આજે એટલે કે 1 ઓગસ્ટથી 19 કિલોના કોમર્શિયલ એલપીજી સિલિન્ડરના ભાવમાં 8.50 રૂપિયાના વધારાની જાહેરાત કરવામાં આવી છે. નવી કિંમતો લાગુ થયા બાદ દિલ્હી, મુંબઈ, કોલકાતા, ચેન્નાઈ સહિત દેશભરમાં કોમર્શિયલ એલપીજી સિલિન્ડર મોંઘા થઈ જશે.
IOCLની વેબસાઈટ અનુસાર, દિલ્હી અને મુંબઈ જેવા શહેરોમાં કોમર્શિયલ ગેસ સિલિન્ડરની નવી કિંમતો 1 ઓગસ્ટ, 2024ના રોજ સવારે 6 વાગ્યાથી લાગુ થઈ ગઈ છે. દિલ્હીમાં 19 કિલોના એલપીજી સિલિન્ડરની કિંમત 1646 રૂપિયાથી વધીને 1652.50 રૂપિયા થઈ ગઈ છે.
એટલે કે દિલ્હીમાં સિલિન્ડર દીઠ 6.50 રૂપિયાનો વધારો થયો છે. તે જ સમયે, કોલકાતામાં સિલિન્ડરની કિંમતમાં 8.50 રૂપિયાનો વધારો થયો છે, જેના કારણે 19 કિલોનો કોમર્શિયલ એલપીજી સિલિન્ડર 1756 રૂપિયાની જગ્યાએ 1764.5 રૂપિયામાં મળશે.
મુંબઈમાં પણ સિલિન્ડરના ભાવમાં વધારો જોવા મળ્યો છે. અહીં કોમર્શિયલ એલપીજી સિલિન્ડરની કિંમત 7 રૂપિયા વધીને 1598 રૂપિયાથી 1605 રૂપિયા થઈ ગઈ છે. જ્યારે ચેન્નાઈમાં કોમર્શિયલ સિલિન્ડરની કિંમત 1809.50 રૂપિયાથી વધીને 1817 રૂપિયા થઈ ગઈ છે.
જુલાઈમાં ઓઈલ કંપનીઓએ કોમર્શિયલ ગેસ સિલિન્ડરના ભાવમાં મોટો ઘટાડો કર્યો હતો. 1 જુલાઈએ દિલ્હીમાં 19 કિલોના સિલિન્ડરની કિંમતમાં 30 રૂપિયાનો ઘટાડો કરવામાં આવ્યો હતો, જેના કારણે તેની કિંમત 1676 રૂપિયાથી ઘટીને 1646 રૂપિયા થઈ ગઈ હતી.
કોલકાતામાં તેની કિંમત રૂ. 1787થી ઘટીને રૂ. 1756, ચેન્નાઇમાં રૂ. 1840.50 થી ઘટીને રૂ. 1809.50 અને મુંબઈમાં રૂ. 1629 થી ઘટીને રૂ. 1598 થઇ હતી.
નોંધનીય છે કે કોમર્શિયલ એલપીજીના ભાવમાં આટલી વધઘટ હોવા છતાં, ઘરેલુ ગેસ સિલિન્ડરની કિંમતો છેલ્લા કેટલાક સમયથી સ્થિર છે. મહિલા દિવસ પર કેન્દ્ર સરકારે ઘરેલુ એલપીજી સિલિન્ડરની કિંમતમાં 100 રૂપિયાનો ઘટાડો કરીને મહિલાઓને મોટી રાહત આપી છે.
ઘરેલુ એલપીજી સિલિન્ડરની કિંમતોની વાત કરીએ તો દિલ્હીમાં તેની કિંમત 803 રૂપિયા છે. જ્યારે કોલકાતામાં તેની કિંમત 829 રૂપિયા છે, મુંબઈમાં તે 802.50 રૂપિયા છે, ચેન્નાઈમાં તે 818.50 રૂપિયા છે.
Click it and Unblock the Notifications
Sign in with Google
