1400 રૂપિયાની નાનકડી બચતથી તમારા બાળકને બનાવો કરોડપતિ

તમારા બાળકના ભવિષ્યની તમને ચિંતા છે તો તમે હાલથી જ તેની માટે દર મહિને માત્ર 1400 રૂપિયાનું રોકાણ કરવાની શરૂઆત કરી દો.

Updated: Friday, October 18, 2019, 14:28 [IST]

તમારા બાળકના ભવિષ્યની તમને ચિંતા છે તો તમે હાલથી જ તેની માટે દર મહિને માત્ર 1400 રૂપિયાનું રોકાણ કરવાની શરૂઆત કરી દો. બાળકના જન્મથી આ રોકાણની શરૂઆત કરશો તો તેની ઉંમર 25 વર્ષની થતા તેની પાસે આશરે 1 કરોડ રૂપિયા થઈ જશે. એક્સપર્ટના કહેવા પ્રમાણે કોઈની પાસે વધુ પૈસા હોતા નથી. લોકો હંમેશા વિચારતા રહી જાય છે કે તેમની પાસે પૈસા આવો તો તે બચત પર ધ્યાન આપશે અને તે વિચારતા જ રહી જાય છે. જો તમારી પાસે ઓછા પૈસા હોય તો તમારે ઓછા પૈસામાં જ બચતની શરૂઆત કરી દેવી જોઈએ. થોડા થોડા પૈસા દર મહિને બચાવવામાં આવે તો તે થોડા વર્ષોમાં એક મોટી રકમ તૈયાર થઈ જાય છે.

સ્ટેપઅપ રોકાણ પ્લાનિંગ

તમારી પાસે હાલ પૈસા ઓછા છે તો તમે સ્ટેપઅપ રોકાણ પ્લાન અપનાવી શકો છો. સ્ટેપઅપ રોકાણ પ્લાનમાં ઓછા પૈસાથી શરૂઆત કરી શકાય છે. પછી તમારી ક્ષમતા પ્રમાણે રોકાણમાં વધારો કરી શકો છો. આ રીતે સ્ટેપઅપ નાણાકીય પ્લાનિંગના માધ્યમથી ઓછા પૈસે એક મોટુ ફંડ તૈયાર કરી શકાય છે.

આ રીતે બાળકના નામે રોકાણ કરો

બાળકના જન્મ સાથે જ રોકાણ શરૂ કરવામાં આવે તો તેની ઉંમર 25 વર્ષ થતા તમારુ બાળક કરોડપતિ બની જશે. એટલે કે 25 વર્ષ સુધી રોકાણ ચાલુ રહેશે. બાળકના જન્મથી જ તમે રોકાણ શરૂ કરી શક્યા નથી તો ચિંતા કરવાની જરૂર નથી. તમારુ બાળક 5 વર્ષનું થાય ત્યારે પણ આ પ્લાન શરૂ કરી શકો છો. જો બાળક 5 વર્ષનું થયુ છે તો આ રોકાણ તમે તેની ઉંમર 30 વર્ષની થાય ત્યાં સુધી ચાલુ રાખો. આ રીતે 25 વર્ષ સુધી દર મહિને 1400 રૂપિયાનું રોકાણ કરી તમે 1 કરોડનું ફંડ ભેગુ કરી શકો છો.

આ માટે પહેલા તમારા બાળક માટે 1400 રૂપિયાથી રોકાણની શરૂઆત કરો. પછી દર વર્ષે તેમાં 15 ટકાનો વધારો કરતા જાવ. તેનો અર્થ એ કે પહેલા વર્ષે 1400 રૂપિયાનું રોકાણ કર્યુ તો આવનારા વર્ષે 1610 રૂપિયાનું કરી દો. આ રીતે દર વર્ષે વધારતા જાવ. આ રોકાણ પર 12 ટકા રિટર્ન મળે તો પણ 25 વર્ષ સુધીમાં 1 કરોડ રૂપિયા થઈ જશે.

ક્યાં મળી શકે સારુ રિટર્ન

ફાઈનાન્શિયલ અડવાઈઝર ફર્મ બીપીએન ફિનકૈપના ડાયરેક્ટપ એકે નિગમ પ્રમાણે જો રોકાણ લાંબા સમય સુધી કરાઈ રહ્યુ છે તો મ્યુચ્યુઅલ ફંડમાં સારુ રિટર્ન મેળવી શકાય છે. અહીં ઘણી સારી યોજનાઓમાં 15 ટકાથી વધુનું રિટર્ન મળે છે. 20થી 25 વર્ષ સુધી કરેલા રોકાણ પર 12 ટકા રિટર્ન સરળતાથી મેળવી શકાય છે.

રોકાણમાં કેવી રીતે થાય છે વધારો

અંશ ફાયનાન્શિયલ એન્ડ ઈન્વેસ્ટમેન્ટના ડાયરેક્ટર દિલિપ કુમારના જણાવ્યા પ્રમાણે નાનુ નાનુ રોકાણ પણ મોટુ થઈ જાય છે. પણ લોકોને આ વાત પર વિશ્વાસ થતો નથી. આમાં એક સમય એવો આવે છે કે જ્યારે તમે દર મહિને જે પૈસા જમા કરી રહ્યા હોવ છો તેના કરતા વધુ પૈસા રિટર્ન રૂપે મળતા હોય છે. સ્ટેપઅપ રોકાણ પ્લાનિંગમાં રોકાણ પાંચ વર્ષમાં 1.5 લાખ રૂપિયાથી થોડુ વધુ થઈ જાય છે. આ રોકાણ 10 વર્ષમાં વધીને 5 લાખથી વધુ અને 15 વર્ષમાં 16 લાખથી વધુ થઈ જાય છે. 20 વર્ષમાં તે વધી 42 લાખ રૂપિયાથી વધુ અને ત્યાં જ અંતે 25 વર્ષે આ રોકાણ 1 કરોડ રૂપિયા થઈ જાય છે.