સેબી રૂપિયા 23000 કરોડના બોન્ડની હરાજી કરશે

મુંબઇ, 20 જુલાઇ : માર્કેટ નિયામક સેબી વિદેશી રોકાણકારો માટે રૂપિયા 23000 કરોડના બોન્ડની હરાજી કરવાનું આયોજન કરી રહી છે. નેશનલ સ્ટોક એક્સચેન્જમાં આ હરાજી 22 જુલાઇના રોજ યોજવામાં આવશે. વિદેશી સંસ્શાગત રોકાણકારો 23661 કરોડની રોકાણ સીમા માટે બોલી લગાવી શકશે.

ઉલ્લેખનીય છે કે પાછલા મહિને રૂપિયા 42000 કરોડની રોકાણ સીમાવાળા બોન્ડ માટે વિદેશી સંસ્થાકીય રોકાણકારો (એફઆઇઆઇ)એ સારો રસ દર્શાવ્યો હતો. તેના પ્રતિસાદને આધારે જ આ હરાજી યોજવામાં આવી રહી છે. આ વર્ષે તે સરકારી બોન્ડની અત્યાર સુધીની સૌથી મોટી હરાજી હતી. તેના માટે રૂપિયા 39,171 કરોડ રૂપિયાની બોલી લગાવવામાં આવી હતી. પાછલા મહિને યોજવામાં આવેલી હરાજીમાં કુલ 37 વિદેશી રોકાણકારોએ ભાગ લીધો હતો.

નોંધનીય બાબત એ છે કે પાછલા મહિને યોજાયેલી હરાજીમાં વિદેશી રોકાણકારોએ એવા સમયે રસ દર્શાવ્યો હતો જ્યારે વિદેશી રોકાણકારો ભારતીય બોન્ડ માર્કેટમાંથી પૈસા કાઢી રહ્યા હતા. જૂનના પ્રારંભથી જ એફઆઇઆઇએ બોન્ડમાથી 44,331 કરોડ રૂપિયા કાઢી લીધા હતા. આ વર્ષના પ્રારંભમાં અંદાજે 25000 કરોડનો શુદ્ધ મૂડી પ્રવાહ મળ્ય હતો.

English summary

Sebi will auctioned bonds of Rs 23000 crore