સિનિયર સિટીઝનો માટે ખાસ, આ બેન્કમાં FD પર મળી રહ્યું છે 9 ટકા વ્યાજ

લોકો પોતાનું ભવિષ્ય સુરક્ષિત કરવા માટે જુદી જુદી રીતે રોકાણ કરે છે. કોઈ મ્યુચ્યુઅલ ફંડમાં રોકાણ કરે છે, તો કોઈ પીપીએફમાં કોઈ પીએફમાં તો કોઈ આરડીમાં રોકાણની જુદીજુદી રીતો છે.

Updated: Sunday, March 3, 2019, 14:27 [IST]

લોકો પોતાનું ભવિષ્ય સુરક્ષિત કરવા માટે જુદી જુદી રીતે રોકાણ કરે છે. કોઈ મ્યુચ્યુઅલ ફંડમાં રોકાણ કરે છે, તો કોઈ પીપીએફમાં કોઈ પીએફમાં તો કોઈ આરડીમાં રોકાણની જુદીજુદી રીતો છે. રોકાણનું ઉદ્દેશ્ય જ ભવિષ્યને સુરક્ષિત કરવાનું છે. જો કે સિનિયર સિટીઝન્સ મોટા ભાગે પૈસા બચાવવા અને રોકાણ કરવા ફિક્સ ડિપોઝિટનો જ સહારો લે છે. મોટા ભાગની બેન્કો સિનિયર સિટીઝનને એફડી પર સારુ વ્યાજ આપે છે. FD એટલે કે બેન્ક જમા યોજના સારું રોકાણ મેળવવાની તક છે. સારી વાત એ છે કે FDને જ્યારે જરૂર પડે ત્યારે વિથડ્રો કરી શકાય છે. એટલે FD લોકોની પહેલી પસંદ હોય છે.

આ પણ વાંચો: માત્ર 3 વર્ષમાં આ રીતે ભેગું કરો 1 લાખનું ફંડ, આ છે પ્લાનિંગ

FDમાં રોકાણ કરતા વરિષ્ઠ નાગરિકો માટે સારા સમાચાર

FD જુદા જુદા પ્રકારની હોય છે. લાંબા અને ટૂંકા ગાળા માટે આ રોકાણનો સારો વિકલ્પ છે. શોર્ટ ટર્મમાં તમે 6 મહિના, 1 વર્ષ કે 2 વર્ષ માટો રોકાણ કરી શકો છો. તમારી પાસે લાંબા ગાળા માટે રોકાણ કરવાનો પણ વિકલ્પ છે. કેટલીક બેન્ક એવી પણ છે જે FD પર સારું વળતર આપે છે. તેમાંથી કેટલીક બેન્કમાં 9 ટકા વ્યાજ મળી રહ્યું છે.

SBI આપે છે સારું વળતર

સ્ટેટ બેન્ક ઓફ ઈન્ડિયા વરિષ્ઠ નાગરિકોને FD પર સારુ વળતર આપી રહ્યું છે. સ્ટેટ બેન્ક ઓફ ઈન્ડિયા પર્સનલ બેન્કિંગ સેગમેન્ટમા ઘણી બધી ડિપોઝિટ સ્કીમ ચલાવે છે. વરિષ્ઠ નાગરિકોને તેમાં 6.25 ટકાથી લઈ 7.25 ટકા સુધીનું વ્યાજ મળે છે. તો ખાનગી ક્ષેત્રમાં ICICI 1 કરોડ રૂપિયાથી ઓછી FD પર 7.5 ટકા વાર્ષિક અને સીનિયર સિટીઝન માટે 8 ટકા વાર્ષિક વ્યાજ આપે છે.

અહીં મળે છે સૌથી વધુ વ્યાજ

આ એવી બેન્કો છે, જ્યાં સૌથી વધુ વ્યાજ દર મળે છે. જેમાં 1 વર્ષ, 2 વર્ષ, 3 વર્ષની FD પર સૌથી વધુ વ્યાજ મળી રહ્યું છે. 1 વર્ષ માટે આ બેન્કોમાં સૌથી વધુ વ્યાજ મળે છે

- ઈન્ડસઈન્ડ બેન્કઃ 8.5 ટકા
- RBL: 8.5 ટકા
- લક્ષ્મી વિલાસ બેન્કઃ 8.2 ટકા
- બંધન બેન્કઃ 8.1 ટકા
- કર્ણાટકા બેન્કઃ 8 ટકા