Independence Day 2024: 77 કે 78મો? આ વર્ષે કયો સ્વતંત્રતા દિવસ મનાવાશે?

Independence Day 2024: 15 ઓગસ્ટના રોજ સમગ્ર દેશ સાથે મળીને સ્વતંત્રતા દિવસની ઉજવણી કરે છે. આ દિવસે ભારતને 200 વર્ષના સંઘર્ષ બાદ સંપૂર્ણ આઝાદી મળી હતી. આ દિવસ માત્ર ઉજવણી કરવાનો દિવસ નથી પણ દેશની આઝાદી માટે લડનારા સ્વાતંત્ર્ય સેનાનીઓના બલિદાનને યાદ કરવાનો દિવસ છે.

આ દિવસે, સમગ્ર ભારતમાં સંસ્થાઓ અને પ્રતિષ્ઠિત ઇમારતો પર રાષ્ટ્રીય ધ્વજ ત્રિરંગો લહેરાવવામાં આવે છે. જો કે, જેમ જેમ દિવસ નજીક આવી રહ્યો છે, તેમ-તેમ લોકો મૂંઝવણમાં પડી રહ્યા છે કે આ વર્ષે ભારત તેનો 77મો સ્વતંત્રતા દિવસ ઉજવશે કે 78મો. આ આપણે આ લેખમાં જાણીશું.

દર વર્ષની જેમ આ વર્ષે પણ ઘણા લોકો મુંઝવણમાં છે કે ભારત આ વખતે કયો સ્વતંત્રતા દિવસ ઉજવશે. મોટાભાગના લોકોના મનમાં પ્રશ્ન હોય છે કે શું સ્વતંત્રતા દિવસની ગણતરી 15 ઓગસ્ટ, 1947 થી કરવી જોઈએ, જ્યારે ભારત સ્વતંત્ર રાષ્ટ્ર બન્યું હતું અથવા એક વર્ષ પછી, જ્યારે સ્વતંત્રતાની પ્રથમ વર્ષગાંઠ ઉજવવામાં આવી હતી.

જો સ્વતંત્રતા દિવસ એટલે કે 15 ઓગસ્ટ 1947થી ગણવામાં આવે તો ભારત સ્વતંત્રતા દિવસની 77મી વર્ષગાંઠ ઉજવશે. તે જ સમયે, જો 15 ઓગસ્ટ, 1948 થી ગણતરી કરવામાં આવે તો તે 76મો સ્વતંત્રતા દિવસ છે.

પ્રેસ ઇન્ફોર્મેશન બ્યુરો (PIB) અનુસાર, 15 ઓગસ્ટ, 2022ના રોજ 76માં સ્વતંત્રતા દિવસ તરીકે ઉજવવામાં આવ્યો હતો. સરકાર દ્વારા ઉપયોગમાં લેવામાં આવતી સિસ્ટમ મુજબ, આ વર્ષે ભારત 15 ઓગસ્ટ, 2024 ના રોજ સ્વતંત્રતાના 77 વર્ષ પૂર્ણ કરશે અને 78મો સ્વતંત્રતા દિવસ ઉજવશે.

English summary

Independence Day 2024: It is 77th or 78th Independence Day this time? Know all details here.