International Left Handers Day 2023 : મોદી, ઓબામાથી લઇને આ મહાન હસ્તી છે ડાબોડી, જાણો ખાસિયત અને ઇતિહાસ

International Left Handers Day 2023 : વિશ્વના મોટાભાગના લોકો તેમના જમણા હાથનો ઉપયોગ કરે છે, એટલે કે તેમનો જમણો હાથ ડાબા હાથ કરતાં વધુ મજબૂત હોય છે. જોકે, ઘણા લોકો એવા પણ છે જેમની સાથે તેનાથી વિરુદ્ધ છે. તેમને મુખ્યત્વે તેમના ડાબા હાથનો ઉપયોગ કરે છે.

જોકે, આવા લોકો બહુ ઓછા છે, તેથી દર વર્ષે 13 ઓગસ્ટના રોજ સમગ્ર વિશ્વમાં આંતરરાષ્ટ્રીય ડાબોડી દિવસ ઉજવવામાં આવે છે. આ દિવસની શરૂઆત વર્ષ 1976માં ડીન કેમ્પબેલ દ્વારા કરવામાં આવી હતી.

13 ઓગસ્ટના રોજ દર વર્ષે ડાબોડી વ્યક્તિઓની વિશિષ્ટતા અને તફાવતોની ઉજવણી માટે આંતરરાષ્ટ્રીય ડાબોડી દિવસ તરીકે ઉજવવામાં આવે છે. લેફ્ટહેન્ડર્સ ઇન્ટરનેશનલ ઇન્કના સ્થાપક ડીન આર કેમ્પબેલ દ્વારા 1976માં પ્રથમ વાર આ દિવસની ઉજવણી કરવામાં આવી હતી.

વર્ષ 1990માં લેફ્ટહેન્ડર્સ ઇન્ટરનેશનલ ક્લબની સ્થાપના ડાબોડીઓને પ્રોત્સાહન આપવાના હેતુથી કરવામાં આવી હતી. આ સાથે ડાબોડી વ્યક્તિઓએ ઉત્પાદકો માટે આઇટમ્સના વિકાસ માટે પોતાના મંતવ્યો જાણાવ્યા હતા. વર્ષ 1992માં ક્લબે ડાબા હાથના ફાયદા અને ગેરફાયદા અંગે જાગૃતિ લાવવા માટે આંતરરાષ્ટ્રીય ડાબોડી દિવસની શરૂઆત કરી હતી.

આ દિવસે લેફ્ટી હોવાની લાક્ષણિકતાઓ, ડાબા હાથથી કામ કરવાના ફાયદા અને ગેરફાયદા વિશે વાત કરવામાં આવે છે. ડાબોડીઓ વિશે લોકોને જાગૃત કરવામાં આવે છે, ખાસ કરીને ભારત જેવા દેશમાં જ્યાં ડાબા હાથનો ઉપયોગ કરવો એ સહજ નથી માનવામાં આવતું.

શા માટે લોકો ડાબોડી હોય છે? - કેટલાક સંશોધકો માને છે કે, ગર્ભ વિકાસ દરમિયાન આનુવંશિકતા કરતાં પર્યાવરણીય પ્રભાવો તેના માટે વધુ જવાબદાર છે. સંશોધકો કહે છે કે, ગર્ભાશયમાં પર્યાવરણીય પરિબળો (હોર્મોન્સના સંપર્ક સહિત) પરિબળો બાળકના જમણા કે ડાબા હાથ મજબૂત હશે, તે માટે જવાબદાર છે.

વિશ્વમાં આશરે 10 થી 13 ટકા લોકો ડાબોડી - એક સંશોધન મુજબ સમગ્ર વિશ્વમાં માત્ર 10 થી 13 ટકા લોકો ડાબા હાથનો ઉપયોગ કરે છે. બહુ ઓછા લોકો આ જાણે છે, પરંતુ આ દુનિયામાં ડાબોડી બનવું સહેલું નથી. તેમને અનેક પ્રકારની સમસ્યાઓનો સામનો કરવો પડતો હોય છે. મોટાભાગના મશીનોની જેમ કમ્પ્યુટર, માઉસ, કીબોર્ડ જેવી વસ્તુઓ જમણા હાથથી ઉપયોગ થાય, તે રીતે બનાવવામાં આવે છે. આવી સ્થિતિમાં જે લોકો ડાબોડી છે, તેમના માટે આવી વસ્તુનો ઉપયોગ કરવો મુશ્કેલ બની જાય છે.

લેફ્ટી હોવા વિશે શું ખાસ છે? - છોકરાઓ છોકરીઓ કરતા ડાબોડી વધુ પ્રમાણમાં હોય છે, જેના માટે ટેસ્ટોસ્ટેરોન હોર્મોન જવાબદાર હોય છે. કેટલાક નિષ્ણાતો નાની ઉંમરે મગજની નાની ઇજાને પણ આ માટે જવાબદાર માને છે. સંશોધન સૂચવે છે કે, ડાબા હાથના લોકોને અલ્સર અને સંધિવા થવાનું જોખમ ઓછું હોઈ શકે છે. તેમને સ્ટ્રોકથી વધુ ઝડપથી સાજા થઈ શકે છે. અમેરિકન જર્નલ ઓફ સાયકોલોજીમાં એક જૂનો લેખ સૂચવે છે કે, ડાબોડી લોકો જમણેરી લોકો કરતાં અલગ વિચારસરણી ધરાવે છે. ખાસ કરીને સર્જનાત્મક વિચારમાં ડાબોડીઓમાં વધુ સારા હોઈ શકે છે.

આંતરરાષ્ટ્રીય ડાબોડી દિવસનો ઇતિહાસ - જમણેરીઓની દુનિયામાં લેફ્ટહેન્ડર્સ (ડાબોડી)ની વિશિષ્ટતાની ઉજવણી કરવા માટે વર્ષ 1992માં પ્રથમ આંતરરાષ્ટ્રીય ડાબોડી દિવસ (International Lefthanders Day) મનાવવામાં આવ્યો હતો. આ દિવસ લેફ્ટી હોવાના ફાયદા અને ગેરફાયદા અંગે જાગૃતિ લાવવામાં આવે છે.

આંતરરાષ્ટ્રીય ડાબોડી દિવસનું મહત્વ - એવું કહેવામાં આવે છે કે, વિશ્વમાં લગભગ 10 થી 13 ટકા ડાબોડી લોકો જમણેરીઓ કરતા વધુ સારી મેમરી ધરાવે છે. વિવિધ બેકગ્રાઉન્ડની પ્રખ્યાત હસ્તીઓ જે લેફ્ટહેન્ડર્સના જૂથ હેઠળ આવે છે, તેમાં સચિન તેંડુલકર, અમિતાભ બચ્ચન, બિલ ગેટ્સ, માર્ક ઝુકરબર્ગ, જસ્ટિન બીબર, ઓપરા વિનફ્રે, લેડી ગાગા, નરેન્દ્ર મોદી, બરાક ઓબામા વગેરેનો સમાવેશ થાય છે.

જાણો સૌથી ઉમદા 10 ડાબોડી વિશે - ડાબોડીઓની વિશિષ્ટતા અને તફાવતોની ઉજવણી માટે દર વર્ષે 13 ઓગસ્ટના રોજ આંતરરાષ્ટ્રીય ડાબોડી દિવસ મનાવવામાં આવે છે. વિશ્વની માત્ર દસ થી તેર ટકા વસ્તી ડાબોડી છે. જેમાં વિશ્વની ઘણી પ્રખ્યાત હસ્તીઓ પણ ડાબોડી ક્લબમાં શામેલ છે. આંતરરાષ્ટ્રીય ડાબોડી દિવસે ચાલો આપણે જાણીતા ડાબોડી લોકો વિશે જાણીએ.

નરેન્દ્ર મોદી - ભારતીય ડાબોડીઓની ક્લબ અનુસાર, વિશ્વની સૌથી મોટી લોકશાહી ધરાવતા ભારતના વડાપ્રધાન નરેન્દ્ર મોદી ડાબોડી છે.

બરાક ઓબામા - અમેરિકાના બે ટર્મ સુધી રાષ્ટ્રપતિ રહેલા બરાક ઓબામા ડાબોડી છે. રસપ્રદ વાત એ છે કે, અમેરિકામાં જેમ્સ ગારફિલ્ડ, હર્બર્ટ હૂવર, હેરી ટ્રમેન, ગેરાલ્ડ ફોર્ડ, રોનાલ્ડ રીગન, જ્યોર્જ એચ ડબલ્યુ, જ્યોર્જ બુશ અને બિલ ક્લિન્ટન પણ ડાબોડી હતા.

સચિન તેંડુલકર -માસ્ટર બ્લાસ્ટર સચિન તેંડુલકર જેને ક્રિકેટના ભગવાન તરીકે પણ ઓળખવામાં આવે છે, તેમને પણ ડાબોડી છે. એકવાર તેમણે હળવા મૂડમાં ટ્વિટ કર્યું, હું લેફ્ટી હોઈ શકું છું, પણ હું હંમેશા રાઇટ છું.

અમિતાભ બચ્ચન - સદીના મહાનાયક તરીકે જાણીતા સુપ્રસિદ્ધ બોલીવુડ અભિનેતા બિગ બીનની લગભગ તમામ ફિલ્મોમાં સ્પષ્ટ જણાઇ આવતું હોવાથી તેમના ચાહકો જાણે છે કે તેમને ડાબોડી છે. અમિતાભ બચ્ચનને પ્રતિષ્ઠિત દાદાસાહેબ ફાળકે એવોર્ડ પણ આપવામાં આવ્યો છે.

બીલ ગેટ્સ - માઈક્રોસોફ્ટના સ્થાપક બિલ ગેટ્સને કોઈ પરિચયની જરૂર નથી. ફોર્બ્સની રિઅલ-ટાઇમ અબજોપતિઓની યાદી મુજબ ડાબોડી ગેટ્સ વિશ્વની ચોથી સૌથી ધનિક વ્યક્તિ છે.

માર્ક ઝુકરબર્ગ - ફેસબુકના સ્થાપક માર્ક ઝુકરબર્ગે લોકો ઇન્ટરનેટનો ઉપયોગ કરવાની રીત બદલી છે. સૌથી ધનિક લોકોની યાદીમાં પાંચમા સ્થાને ડાબોડી ઝુકરબર્ગ છે.

જસ્ટિન બીબર - ટીન આઇડલ જસ્ટિન બીબરને "પ્રિન્સ ઓફ પોપ" તરીકે પણ ઓળખવામાં આવે છે. ડાબોડી બીબર તેના ક્રોસ-શૈલીના સંગીત માટે વ્યાપકપણે ઓળખાય છે. તેમનો મ્યુઝિક વીડિયો 'બેબી' એક સમયે યુટ્યુબ પર 2.5 અબજ વ્યૂ સાથે સૌથી વધુ જોવાયેલો વીડિયો હતો.

સ્ટીવ જોબ્સ - એપલના સ્થાપક અને ટેક-ઉદ્યોગસાહસિકોની પેઢીઓ માટે આઇકોન સ્ટીવ જોબ્સ ડાબોડી હતા. જોબ્સે એપલને આપેલી નવીનતા અને ઓળખ માટે પ્રતિભાશાળી માનવામાં આવે છે.

ઓપ્રાહ વિનફ્રે - સૌથી પ્રખ્યાત ટોક શો હોસ્ટ વિનફ્રેને ઘણીવાર "ક્વીન ઓફ ઓલ મીડિયા" કહેવામાં આવે છે અને તે ડાબોડી છે. ગરીબીમાં જન્મેલી વિનફ્રે 20મી સદીના સૌથી ધનિક આફ્રિકન-અમેરિકન છે.

લેડી ગાગા - વિશ્વમાં સૌથી લોકપ્રિય લોકોમાંથી એક એવી લેડી ગાગા તેના સંગીતમાં વૈવિધ્યતા અને તેની વ્યક્તિત્વના નવીનીકરણ માટે જાણીતી છે. એક અમેરિકન ગાયક, ગીતકાર અને અભિનેત્રી લેડી ગાગા વિશ્વના સૌથી વધુ મોંઘા સંગીત કલાકારોમાંથી એક છે.

English summary

International Left Handers Day 2023: know the great personalities, characteristics and history