Lok Sabha Election 2024 : કોણ છે પલ્લવી ડેમ્પો? જે ગોવામાં બીજેપીની પહેલી મહિલ ઉમેદવાર બની
લોકસભા ચૂંટણી માટે બીજેપી સહિતની તમામ પાર્ટીઓ ઉમેદવાર જાહેર કરી રહી છે. આ ક્રમમાં બીજેપીએ ગોવામાં પલ્લવી ડેમ્પોને પહેલી મહિલા ઉમેદવાર બનાવી છે.
બીજેપીએ દક્ષિણ ગોવાથી પલ્લવી ડેમ્પોને ટિકિટ આપી છે. પલ્લવી ડેમ્પો ગોવાથી ભાજપના પ્રથમ મહિલા ઉમેદવાર છે.
પલ્લવી ડેમ્પો પ્રથમ મહિલા ઉમેદવાર છે જ, ને ભાજપે ગોવામાં મેદાનમાં ઉતાર્યા છે. તેણીએ અગાઉ ક્યારેય ચૂંટણી લડી નથી કે રાજકારણમાં પણ નહોતી.
બીજેપી તરફથી ટિકિટ મળ્યા બાદ પલ્લવી ડેમ્પોએ કહ્યું કે, હું આ નામાંકન માટે ભાજપની ખૂબ આભારી છું અને તેનો સંપૂર્ણ સ્વીકાર કરું છું. અમે આ બેઠક જીતવા માટે તમામ પ્રયાસ કરીશું.
પલ્લવી ડેમ્પોએ જણાવ્યું કે, હું હંમેશા નરેન્દ્ર મોદીના નેતૃત્વના વિઝનમાં વિશ્વાસ રાખું છું, એક વિઝન જે મારા મતે જાતિ, સંપ્રદાય અથવા ધર્મને ધ્યાનમાં લીધા વિના દરેકને સશક્ત બનાવે છે અને સમાજના દરેક વર્ગને સમાન તકો પૂરી પાડે છે.
કોણ છે પલ્લવી ડેમ્પો?
પલ્લવી ડેમ્પો એક મહિલા ઉદ્યોગપતિ છે. પલ્લવી ડેમ્પો ડેમ્પો ઇન્ડસ્ટ્રીઝની એક્ઝિક્યુટિવ ડિરેક્ટર છે. પલ્લવીના પતિ ઉદ્યોગપતિ શ્રીનિવાસ ડેમ્પો છે, જે ગોવા સ્થિત ડેમ્પો ગ્રુપ ઓફ કંપનીઝના ચેરમેન છે.
પલ્લવીના પતિ શ્રીનિવાસ ડેમ્પો ગોવા ચેમ્બર ઓફ કોમર્સ એન્ડ ઈન્ડસ્ટ્રીઝ (GCCI)ના વડા પણ છે. પલ્લવી ડેમ્પો માત્ર એક બિઝનેસવુમન નથી પણ એજ્યુકેશનિસ્ટ પણ છે. 49 વર્ષની પલ્લવી કેમિસ્ટ્રીમાં ગ્રેજ્યુએટ છે. પલ્લવીએ MIT પુણેમાંથી MBAની ડિગ્રી લીધી છે.
પલ્લવી ડેમ્પો ઇન્ડસ્ટ્રીઝમાં મીડિયા અને રિયલ એસ્ટેટ શાખા સંભાળે છે. પલ્લવી ડેમ્પો મોડા ગોવા ફાઉન્ડેશનની ટ્રસ્ટી પણ છે. તાજેતરમાં જાહેર કરાયેલા ઈલેક્ટોરલ બોન્ડ ડેટામાં જાણવા મળ્યું છે કે શ્રીનિવાસ ડેમ્પોએ 1.25 કરોડના ઈલેક્ટોરલ બોન્ડ ખરીદ્યા હતા. કંપનીની ચાર પેટાકંપનીઓએ પણ ચૂંટણી બોન્ડ દ્વારા દાન આપ્યું હતું.
ડેમ્પો પરિવારે છોકરીઓને વ્યાવસાયિક તાલીમ આપવા માટે ગ્રામીણ શાળા દત્તક કાર્યક્રમ હેઠળ કેટલીક સરકારી શાળાઓને દત્તક લીધી છે. પલ્લવી ડેમ્પો ઈન્ડો-જર્મન એજ્યુકેશનલ એન્ડ કલ્ચરલ સોસાયટીના પ્રમુખ છે. આ સંસ્થા જર્મની અને ગોવા વચ્ચે સાંસ્કૃતિક સંવર્ધનમાં ફાળો આપે છે.
Click it and Unblock the Notifications
Sign in with Google
