તસવીરો: મોજીલાએ કરી જાહેરાત, 1550માં લોન્ચ કરશે સ્માર્ટફોન

By Kumar Dushyant

Updated: Thursday, February 27, 2014, 13:09 [IST]

મોજીલાનું નામ સાંભળતા જ તમારા મનમાં ફાયરફોક્સ બ્રાઉઝરનું નામ આવી જતું હશે. મોજીલા પોતાના ફાયરફોક્સના લીધે આખી દુનિયામાં ઓળખાય છે. મોબાઇલ વર્લ્ડ કોંગ્રેસમાં મોજીલાએ એક એવો સ્માર્ટફોન લોન્ચ કરવાની જાહેરાત કરી છે કે જેની કિંમત 25 ડોલર (લગભગ 1550 રૂપિયા)ની આસપાસ રહેશે. આ એક સ્માર્ટફોન હશે જેમાં ટચસ્ક્રીનની સાથે ઇન્ટરનેટ પણ એક્સેસ કરી શકશો.

મોજીલાએ અત્યારે તેનો પ્રોટોટાઇપ જ રજૂ કર્યો છે. કંપનીનું કહેવું છે કે આ ફોન તેણે ખાસ કરીને ઉભરતી અર્થવ્યવસ્થાને ધ્યાનમાં રાખીને બનાવ્યો છે. મોજીલાએ તેના માટે ચાઇનાની કંપની સ્પ્રેડટ્રમની સાથે ભાગીદારી પણ કરી છે. મોજીલાના આગામી સ્માર્ટફોન વિશે કેટલાક જાણકારોનું કહેવું છે કે શરૂઆતમાં લોકોને વધુ પસંદ આવશે તેનું એક કારણ તેની કિંમત પણ છે જેના માટે બીજી કંપનીઓ વચ્ચે પણ મુકાબલો ચાલે છે.

મોજીલાના ઉપરાંત આગામી દિવસોમાં આ પ્રકારના બીજા ડિવાઇસીસ બજારમાં આવી શકે છે જે મોજીલાના સ્માર્ટફોનને ટક્કર આપી શકે છે. તેના પ્રોપોટાઇપ મોડલમાં આપવામાં આવેલા ફીચરો પર નજર નાખીએ તો ફોનમાં 1.2 ગીગાહર્ટનું સ્નેપડ્રેગન સીપીયૂ, 3જી યૂએમટીએસ, વાઇફાઇ, એનએફસી, 4.5 ઇંચની સ્ક્રીન આપવામાં આવશે જે 845 x 480 રિઝોલ્યુવેશન સપોર્ટ કરશે.

મોજીલાના સ્માર્ટફોનના ફિચર્સ જોવા માટે સ્લાઇડર ક્લિક કરતાં જાવ