પેન્ટના ખિસ્સામાં મોબાઈલ રાખતા લોકો સાવધાન, થઈ શકે છે બાળકો થવામાં મોટી સમસ્યા
મોબાઈલ ફોનના સિગ્નલને લઈને પહેલા જ ઘણા અભ્યાસો થઈ રહ્યા છે. જીવસૃષ્ટિને ખતરનાક આડઅસર પહોચાડતા મોબાઈલ ફોનને લઈને વધુ એક રિસર્સમાં ચૌકાવનારા તારણો સામે આવ્યા છે.
હાલમાં જ સામે આવેલા એક રિસર્સે બધાને ચૌકાવ્યા છે. આ રિસર્ચનું માનીએ તો તે પુરૂષોની ફર્ટિલીટી પર અસર કરી રહ્યો છે અને સ્પર્મ કાઉન્ટ ઘટી રહ્યા છે.
સ્વિત્ઝરલેન્ડની એક યુનિવર્સિટીના સંશોધને નવી ચર્ચા છેડી છે. સ્પર્મ કાઉન્ટ ઓછા હોવાનો અર્થ એ છે કે તમે સંતાન પ્રાપ્ત ન કરી શકો. તમારા વીર્યમાં શુક્રાણુઓની સંખ્યા એક ચોક્કસ સ્તર સુધી હોવી જોઈએ.
જો તે આ સ્તરથી નીચે હશે તો ગર્ભધારણ કરવામાં સમસ્યાનો સામનો કરવો પડશે. જે સંશોધન બહાર આવ્યું છે તે દર્શાવે છે કે સમગ્ર વિશ્વમાં લોકોના શુક્રાણુઓની સંખ્યા સતત ઘટી રહી છે. આનો મોબાઈલ ફોન સાથે સંબંધ છે.
સ્વિત્ઝર્લેન્ડની એક યુનિવર્સિટીના સંશોધન અનુસાર, મોબાઈલ રેડિયેશન શુક્રાણુઓની સંખ્યા ઓછી થવાનું કારણ હોઈ શકે છે. સંશોધકોને અભ્યાસમાં જાણવા મળ્યું કે જે લોકો મોબાઈલ ફોનનો વધુ ઉપયોગ કરે છે તેમના શુક્રાણુઓની સંખ્યા ઓછી જોવા મળી છે.
આ જ કારણ છે કે સંશોધકોને શંકા છે કે મોબાઈલ ફોન તેનું કારણ હોઈ શકે છે. રિસર્ચમાં કહેવાયુ છે કે ખિસ્સામાં મોબાઈલ ફોન રાખવો આનું એક કારણ હોઈ શકે છે. જો કે હજુ સુધી કોઈ નક્કર પુરાવા મળ્યા નથી. આ અંગે વધુ સંશોધન થઈ રહ્યા છે.
રિસર્ચ અનુસાર, જે લોકો ફોનને બેકપેકમાં રાખે છે તેમાં આ સમસ્યા ઓછી હતી. જે લોકો સતત ઘણા કલાકો સુધી ફોન તેમના ખિસ્સામાં રાખે છે તેમને સ્પર્મ કાઉન્ટની સમસ્યા વધુ થઈ શકે છે.
હાલમાં આ અભ્યાસે એક નવી ચર્ચા શરૂ કરી છે, હવે વૈજ્ઞાનિકો નક્કર પુરાવા શોધવાનો પ્રયાસ કરી રહ્યા છે કે શું મોબાઈલ ફોન ખરેખર શુક્રાણુઓની સંખ્યાને અસર કરે છે કે કેમ?
Click it and Unblock the Notifications
Sign in with Google
