અહીં રહે છે દુનિયાના સૌથી લાંબા લોકો, ઉંચાઈ એટલી કે જોતા રહી જશો
દુનિયાના વિવિધ દેશોમાં અલગ-અગલ પ્રકારની શારીરિક રચના ધરાવતા લોકો રહે છે. આ ક્રમમાં જ યુરોપના એક દેશમાં દુનિયાના સૌથી લાંબા લોકો રહે છે.
તમને જાણીને નવાઈ લાગશે કે દુનિયામાં નેધરલેન્ડમાં દુનિયાના સૌથી ઉંચા લોકો રહે છે. અહીંના લોકો દુનિયાભરમાં તેની ઉંચાઈ માટે જાણીતા છે.
યુરોપિયન દેશોમાં પુરુષો સામાન્ય રીતે અન્ય દેશોની સરખામણીમાં ઊંચા હોય છે, પરંતુ વિશ્વના સૌથી ઊંચા પુરુષો નેધરલેન્ડના છે. 195 દેશો પર કરવામાં આવેલા અભ્યાસમાં જાણવા મળ્યું છે કે 1996માં જન્મેલા પુરુષોની સરેરાશ ઊંચાઈ 182.54 સેન્ટિમીટર છે, એટલે કે અહીં દરેક વ્યક્તિની ઊંચાઈ લગભગ 6 ફૂટ છે.
તમને નવાઈ લાગશે કે 1914માં અહીંના લોકોની સરેરાશ ઊંચાઈ 169.4 સેમી હતી. એટલે કે 100 વર્ષમાં અહીંના લોકોની ઊંચાઈ લગભગ 13 સેન્ટિમીટર વધી છે.
મહિલાઓની વાત કરીએ તો લાતવિયન મહિલાઓ સૌથી ઊંચી હોય છે. અભ્યાસમાં જાણવા મળ્યું છે કે સરેરાશ લાતવિયન મહિલાની ઊંચાઈ 170 સેમી એટલે કે 5 ફૂટ 7 ઈંચ છે. વિશ્વના સૌથી ટૂંકા લોકોની વાત કરીએ તો ગ્વાટેમાલાની મહિલાઓ અને તિમોરના પુરુષો વિશ્વમાં સૌથી ટૂંકા હોય છે.
ભારતના પાડોશી દેશ પાકિસ્તાનના લોકોની ઊંચાઈ લગભગ એટલી જ છે જેટલી 100 વર્ષ પહેલા હતી. તે સમયે તેની ઊંચાઈ 165.68 સેન્ટિમીટર હતી અને હવે તે 166.96 સેન્ટિમીટર છે. સાથે જ ભારતના લોકોની ઊંચાઈ પણ વધી છે.
100 વર્ષ પહેલા આપણા દેશમાં લોકોની ઊંચાઈ 161.96 સેન્ટિમીટર હતી, જે હવે વધીને 164.95 સેન્ટિમીટર થઈ ગઈ છે. જણાવી દઈએ કે સમગ્ર વિશ્વમાં લોકોની ઊંચાઈમાં નોંધપાત્ર વધારો થયો છે.
1914માં અમેરિકન લોકોની સરેરાશ ઊંચાઈ 171.08 સેમી હતી, તે હવે વધીને 177.13 સેમી થઈ ગઈ છે. બ્રિટનમાં સરેરાશ ઊંચાઈ 166.8 સેમી હતી, પરંતુ હવે તે 177.49 સેમી એટલે કે લગભગ 5 ફૂટ 10 ઈંચ થઈ ગઈ છે.
Click it and Unblock the Notifications
Sign in with Google
