સવારે ખાલી પેટે ક્યારેય ન પીવી ચા, થશે આ 5 મોટા ગેરફાયદા
ઘણીવાર આપણે તાજગી અનુભવવા માટે સવારે ઉઠ્યા બાદ ચા પીતા હોઈએ છીએ, જેને સામાન્ય રીતે બેડ ટી કહેવામાં આવે છે. ચાથી દિવસની શરૂઆત કરવાની પ્રથા ભારતમાં ઘણી જૂની છે, તે ઘણા લોકોની આદતોમાંથી એક બની ગઈ છે.
ઘણીવાર આપણે તાજગી અનુભવવા માટે સવારે ઉઠ્યા બાદ ચા પીતા હોઈએ છીએ, જેને સામાન્ય રીતે બેડ ટી કહેવામાં આવે છે. ચાથી દિવસની શરૂઆત કરવાની પ્રથા ભારતમાં ઘણી જૂની છે, તે ઘણા લોકોની આદતોમાંથી એક બની ગઈ છે, પરંતુ શું તમે જાણો છો કે ખાલી પેટે ચા પીવાથી સ્વાસ્થ્યને ઘણું નુકસાન થઈ શકે છે. ચાલો તમને તેના જોખમોથી પરિચિત કરાવીએ.
હાઈ બ્લડ પ્રેશર
જે લોકો હાઈ બ્લડ પ્રેશરથી પીડાતા હોય તેમણે ક્યારેય બેડ ટી ન પીવી જોઈએ. કારણ કે, તેમાં રહેલું કેફીન શરીરમાં ઓગળતાની સાથે જ બ્લડ પ્રેશર વધારી દે છે,જેનાથી ભવિષ્યમાં હૃદયની બીમારીઓ થવાનું જોખમ રહે છે.
ટેન્શન
ઘણીવાર આપણે ટેન્શન અને સ્ટ્રેસને દૂર કરવા માટે સવારે ચા પીતા હોઈએ છીએ, પરંતુ આમ કરવાથી ટેન્શન વધુ વધી શકે છે. વાસ્તવમાં ચામાં કેફીનનું પ્રમાણ વધુહોય છે, જેના કારણે ઉંઘ પળવારમાં જતી રહે છે, પરંતુ સ્વાસ્થ્ય નિષ્ણાતોનું માનવું છે કે, તેનાથી તણાવ વધી શકે છે.
ધીમી પાચન
સવારે ખાલી પેટે ચા પીવી એ પાચન માટે સારી માનવામાં આવતી નથી. કારણ કે, તેનાથી પેટમાં ગેસની સમસ્યા થઈ શકે છે અને પાચન પ્રક્રિયા ધીમી પડી શકે છે.
ડાયાબિટીસનું જોખમ
સવારે ખાલી પેટ ખાંડવાળી ચા પીવાથી બ્લડ શુગર લેવલ વધે છે અને શરીરના ઘણા કોષોને જરૂરી પોષક તત્વો નથી મળતા. આ લાંબા ગાળે ડાયાબિટીસનું જોખમવધારે છે.
અલ્સર
જો તમે સવારે ખાલી પેટ ચા પીતા હોવ તો આજે જ આ આદત છોડી દો, કારણ કે આમ કરવાથી પેટના અંદરના ભાગમાં ઈજા થઈ શકે છે જેનાથી અલ્સર થઈ શકે છે.