World Liver Day 2022 : આ ખરાબ આદતોથી થશે લીવરને નુકસાન, આજે જ બદલાવો જીવનશૈલી

'વર્લ્ડ લીવર ડે' એટલે કે વિશ્વ યકૃત દિવસ દર વર્ષે 19મી એપ્રીલના રોજ ઉજવવામાં આવે છે. તેનો હેતુ આપણા શરીરમાં લીવરના મહત્વ વિશે આપણને જાગૃત કરવાનો છે. આ ખાસ અંગ વિના આપણે શરીરના સ્વાસ્થ્યની કલ્પના પણ કરી શકતા નથી.

Published: Tuesday, April 19, 2022, 14:49 [IST]

World Liver Day 2022 : 'વર્લ્ડ લીવર ડે' એટલે કે વિશ્વ યકૃત દિવસ દર વર્ષે 19મી એપ્રીલના રોજ ઉજવવામાં આવે છે. તેનો હેતુ આપણા શરીરમાં લીવરના મહત્વ વિશે આપણને જાગૃત કરવાનો છે. આ ખાસ અંગ વિના આપણે શરીરના સ્વાસ્થ્યની કલ્પના પણ કરી શકતા નથી. લીવરને કોઈપણ પ્રકારનું નુકસાન આપણા જીવનને જોખમમાં મૂકી શકે છે.

લીવરનું ખાસ ધ્યાન રાખવું

લીવર એ આપણા શરીરનો ખૂબ જ મહત્વપૂર્ણ ભાગ છે. મગજ પછી તે બીજું સૌથી જટિલ અંગ છે, કારણ કે તે રોગપ્રતિકારક શક્તિ, પાચન અને ચયાપચય સહિતશરીરના ઘણા મહત્વપૂર્ણ કાર્યોમાં મદદ કરે છે. હેપેટાઈટીસ બી અને હેપેટાઈટીસ સી અને અન્ય ઘણા કારણોસર લીવર ખરાબ રીતે પ્રભાવિત થાય છે.

યકૃતના સારા સ્વાસ્થ્ય માટે શું કરવું?

શરીરને હાઇડ્રેટેડ રાખો, નિયમિત સમયાંતરે પાણી પીતા રહો, તે કુદરતી ડિટોક્સિફાઇંગ એજન્ટ તરીકે કામ કરે છે અને લીવરને શરીરમાંથી ગંદકી દૂર કરવામાં મદદ કરેછે.

ખરાબ કોલેસ્ટ્રોલવાળા ખોરાકને છોડીને તંદુરસ્ત ચરબીવાળો ખોરાક ખાવાનું શરૂ કરો. અખરોટ, એવોકાડો અને ઓલિવ ઓઈલનું સેવન કરો.
લીલા પાંદડાવાળા શાકભાજી ખાવાથી લીવરનું સ્વાસ્થ્ય સારું રહે છે. તમારા રોજિંદા આહારમાં પાલક, બ્રોકોલી ખાવાથી આ અંગ કુદરતી રીતે સાફ થઈ જાય છે.

તમારા રોજિંદા આહારમાં ફળોની માત્રામાં વધારો કરો, જો તમે વિટામિનથી ભરપૂર ફળો ખાઓ તો તે વધુ સારું રહેશે.

નિયમિત કસરત કરવાથી લીવરનું સ્વાસ્થ્ય પણ સારું રહે છે.

આ આદતોથી લીવરને નુકસાન થશે

સેચ્યુરેટેડ અને ટ્રાન્સ ફેટથી દૂર રહો, તળેલી વસ્તુઓ લીવરને નુકસાન પહોંચાડવામાં મહત્વનો ભાગ ભજવે છે.
પ્રોસેસ્ડ ફૂડથી દૂર રહો, કારણ કે તેમાં હાઈ ગ્લાયકેમિક ઈન્ડેક્સ હોય છે, જે ફેટી લીવરનું કારણ બને છે.
ફેટી લિવરની સમસ્યા રેડ મીટના સેવનથી થાય છે, માંસ ભલે પ્રોટીનનો ભરપૂર સ્ત્રોત હોય, પરંતુ તે વધુ ખાવું નુકસાનકારક છે.
એવી વસ્તુઓનું સેવન ઓછું કરો જેમાં ખાંડનું પ્રમાણ ખૂબ વધારે હોય જેમ કે મીઠાઈ, ચોકલેટ, કેન્ડી વગેરે.
આલ્કોહોલનું સેવન લીવર પર ખરાબ અસર કરે છે, તેથી તમે જેટલી જલ્દી આ ખરાબ આદત છોડો તેટલું સારું.

Published On April 19, 2022