GujCET 2026 : ગુજકેટના ફોર્મ ભરવાની મુદત લંબાવાઈ, લેટ ફી સાથે અરજી કરી શકાશે
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ડિગ્રી એન્જિનિયરિંગ અને ફાર્મસીમાં પ્રવેશ માટે લેવાતી ગુજકેટ પરીક્ષાના ફોર્મ ભરવાની મુદતમાં મોટો ફેરફાર કરવામાં આવ્યો છે.
શિક્ષણ બોર્ડના સત્તાવાર નિર્ણય મુજબ, હવે જે વિદ્યાર્થીઓ નિયત સમયમાં અરજી કરી શક્યા નથી, તેઓ લેટ ફી ભરીને ઓનલાઇન ફોર્મ સબમિટ કરી શકશે.
અગાઉ આ ફોર્મ ભરવાની અંતિમ તારીખ 6 જાન્યુઆરી હતી, પરંતુ હવે વિદ્યાર્થીઓના હિતમાં આ મુદત વધારીને 16 જાન્યુઆરી 2026 સુધી લંબાવવામાં આવી છે.
જે ઉમેદવારો આ લંબાવેલી મુદત દરમિયાન અરજી કરશે, તેમણે નિયત પરીક્ષા ફી ઉપરાંત 1,000 રૂપિયા લેટ ફી તરીકે વધારાના ચૂકવવાના રહેશે.
રાજ્યની ડિગ્રી એન્જિનિયરિંગ, ડિગ્રી ફાર્મસી અને ડિપ્લોમા ફાર્મસી કોલેજોમાં એડમિશન મેળવવા ઈચ્છતા વિદ્યાર્થીઓ માટે આ પ્રવેશ પરીક્ષા અત્યંત મહત્વની માનવામાં આવે છે.
ધોરણ 12 સાયન્સના ગ્રુપ A, B અને AB ના વિદ્યાર્થીઓ માટે ગુજકેટ 2026ની પરીક્ષા આગામી 29 માર્ચના રોજ રાજ્યભરમાં આયોજિત કરવામાં આવશે.
બોર્ડ દ્વારા અગાઉ પણ અરજી કરવાની મુદત 6 જાન્યુઆરી સુધી વધારવામાં આવી હતી, અને હવે છેલ્લી તક તરીકે લેટ ફી સાથે વિન્ડો ઓપન કરાઈ છે.
Click it and Unblock the Notifications
Sign in with Google
