ફિક્સ પગાર ધરાવતા શિક્ષકો માટે ખુશ ખબર! સરકારે વધાર્યો પગાર

Updated: Tuesday, January 23, 2024, 15:06 [IST]

fixed salary teachers : ગુજરાત સરકારના શિક્ષણ વિભાગ દ્વારા રાજ્યની માધ્યમિક અને ઉચ્ચતર માધ્યમિક શાળાઓમાં ફિક્સ પગારના ધોરણે નિયુક્ત શિક્ષકોના પગાર વધારાની જાહેરાત કરવામાં આવી છે.

પગારમાં વધારો રૂપિયા 4,876 થી રૂપિયા 11,510 પ્રતિ માસ છે. આ પગાર સેટલમેન્ટ ઓક્ટોબર 2023થી અમલમાં આવશે, જેનાથી કુલ 6,668 શિક્ષકોને લાભ થશે.

ગુજરાત સરકારના આદેશ મુજબ, ફિક્સ પગાર પરના શિક્ષકો, જેઓ શરૂઆતમાં 16,224 રૂપિયા કમાતા હતા, તેઓને હવે 21,100 રૂપિયા મળશે. જેમનો અગાઉનો પગાર રૂપિયા 19,950 હતો, તેમને હવે માસિક રૂપિયા 26,000 ચૂકવવામાં આવશે.

જે શિક્ષકો 31,340 રૂપિયા કમાતા હતા, તે વધીને 40,800 રૂપિયા થશે, અને 38,090 રૂપિયા પગાર ધરાવતા શિક્ષકો હવે 49,600 રૂપિયાના હકદાર બનશે.

અત્રે નોંધનીય બાબત છે કે, ગુજરાત સરકારે ઓક્ટોબર 2023માં તેના ફિક્સ પગારવાળા કર્મચારીઓના પગારમાં વધારો કર્યો હતો. તેના પગલે રાજ્યની ગ્રાન્ટ-ઇન-એઇડ ખાતે ફિક્સ પગારવાળા શિક્ષક અને માધ્યમિક અને ઉચ્ચતર માધ્યમિક શાળાઓના નોન-ટીચિંગ સ્ટાફના પગાર વધારાની માંગ કરવામાં આવી હતી. હવે સરકારે ઔપચારિક રીતે વધારો કરવાની જાહેરાત કરી છે.

રાજ્યના સંવેદનશીલ માનનીય મુખ્યમંત્રીશ્રી ની પ્રેરણાથી

ગુજરાત રાજ્યના સંવેદનશીલ માનનીય મુખ્યમંત્રીશ્રી ભુપેન્દ્રભાઈ પટેલ સાહેબની પ્રેરણાથી રાજ્યની બિન સરકારી અનુદાનિત માધ્યમિક અને ઉચ્ચતર માધ્યમિક શાળાઓમાં નાણા વિભાગની ફિક્સ પગારની નીતિ મુજબ સીધી ભરતીથી નિમણૂંક પામેલ ફિક્સ પગારના… pic.twitter.com/YKHoMT84gZ
— Dr. Kuber Dindor (@kuberdindor) January 20, 2024