Post Office GDS Recruitment 2024: પોસ્ટ ઓફિસમાં 44 હજાર ગ્રામીણ ડાક સેવકોની ભરતી, આ રીતે કરો અરજી

Post Office GDS Recruitment 2024: ભારતીય ટપાલ વિભાગ દ્વારા સોમવાર, જુલાઈ 15 થી 44 હજારથી વધુ ગ્રામીણ ડાક સેવકો (GDS) ની ભરતી માટે અરજી પ્રક્રિયા શરૂ કરવામાં આવી છે.

આ ભરતી માટેની અરજીઓ સત્તાવાર વેબસાઇટ, indiapostgdsonline.cept.gov.in પર ઓનલાઇન મોડમાં સ્વીકારવામાં આવી રહી છે.

પ્રથમ દિવસે યુઝર્સને આ વેબસાઇટ પર અરજી કરવામાં તકનીકી કારણોસર સમસ્યાઓનો સામનો કરવો પડ્યો હતો. જોકે, હવે આને દૂર કરવાની પ્રક્રિયા શરૂ કરવામાં આવી છે, અને રસ ધરાવતા ઉમેદવારો છેલ્લી તારીખ 5મી ઓગસ્ટ સુધી અરજી કરી શકશે.

Post Office GDS Recruitment 2024: ત્રણ તબક્કામાં અરજી કરો - ઉમેદવારોએ નોંધ લેવી જોઈએ કે, ભારતીય ટપાલ વિભાગ દ્વારા ગ્રામીણ ડાક સેવકોની ભરતી માટે અરજી પ્રક્રિયાના 3 તબક્કાઓ બનાવ્યા છે - નોંધણી, અરજી અને ભરતી ફીની ચુકવણી. આ ત્રણેય તબક્કાઓ માટેની લિંક પોર્ટલ પર સક્રિય કરવામાં આવી છે.

એપ્લિકેશન ફી 100 રૂપિયા નક્કી કરવામાં આવી છે, જે ઓનલાઈન માધ્યમથી ચૂકવવાની રહેશે. જોકે, તમામ કેટેગરીના મહિલા ઉમેદવારો તેમજ SC/ST, દિવ્યાંગ અને ટ્રાન્સવુમન કેટેગરીના અરજદારોએ ફી ચૂકવવાની જરૂર નથી.

Post Office GDS Recruitment 2024: અરજી કરતા પહેલા યોગ્યતા જાણો - પોસ્ટલ વિભાગ દ્વારા જાહેર કરવામાં આવેલા ગ્રામીણ ડાક સેવક ભરતીની સૂચના અનુસાર, માન્ય બોર્ડમાંથી 10મું પાસ ઉમેદવારો અરજી કરી શકે છે. ઉમેદવારોની ઉંમર અરજીની છેલ્લી તારીખ (5 ઓગસ્ટ 2024) ના રોજ 18 વર્ષથી ઓછી અને 40 વર્ષથી વધુ ન હોવી જોઈએ.

અનામત કેટેગરી (SC/ST, OBC, વગેરે) ના ઉમેદવારોને કેન્દ્ર સરકારના નિયમો અનુસાર, ઉપલી વય મર્યાદામાં છૂટછાટ આપવામાં આવશે, વધુ માહિતી અને અન્ય વિગતો માટે નોટીફિકેશન જોવું અનિવાર્ય છે.

કોણ અરજી કરી શકે છે? - ટપાલ વિભાગ ગ્રામીણ ટપાલ સેવક ભરતી માટે, ઉમેદવારોએ માન્યતા પ્રાપ્ત બોર્ડમાંથી 10મા ધોરણની પરીક્ષા પાસ કરેલી હોવી જોઈએ. આ ઉપરાંત 11 જૂન, 2024 ના રોજ ઉંમર 18 વર્ષથી ઓછી અને 40 વર્ષથી વધુ ન હોવી જોઈએ. અનામત વર્ગના ઉમેદવારોને ઉપલી વય મર્યાદામાં છૂટછાટ આપવામાં આવશે.

English summary

Post Office GDS Recruitment 2024: Recruitment of 44 thousand rural postal workers in Post Office, apply like this