CUCET 2021: આ વર્ષે નહીં યોજાય કોમન એન્ટ્રન્સ ટેસ્ટ, UGC ની જાહેરાત

યુનિવર્સિટી ગ્રાન્ટ્સ કમિશન (યુજીસી) એ આ વર્ષે સેન્ટ્રલ યુનિવર્સિટીઓમાં પ્રવેશ માટેની પ્રવેશ પરિક્ષા રદ કરી દીધી છે. યુજીસીએ આ નિર્ણય કોરોના વાયરસને ધ્યાનમાં રાખીને લીધો છે. યુજીસીએ કહ્યું છે કે, શૈક્ષણિક સત્ર 2021-22 માટે કેન્દ્રીય યુનિવર્સિટીઓમાં પ્રવેશ માટેની પ્રવેશ પરીક્ષા લેવામાં નહીં આવે.

યુજીસીએ માહિતી આપી હતી કે, કોવિડ-19 ને જોતાં સેન્ટ્રલ યુનિવર્સિટીઓમાં પ્રવેશ પ્રક્રિયા પહેલાની જેમ જ રહેશે. પ્રવેશ માટે પ્રવેશ પરીક્ષા શૈક્ષણિક સત્ર 2022-2023થી લઈ શકાય છે. યુજીસીએ ટ્વિટ કરીને કહ્યું કે, કોવિડ -19 મહામારીને ધ્યાનમાં રાખીને, શૈક્ષણિક સત્ર 2021-22 દરમિયાન સેન્ટ્રલ યુનિવર્સિટીઓમાં પ્રવેશ પ્રક્રિયા અગાઉના નિયમો મુજબ કરવામાં આવશે. સેન્ટ્રલ યુનિવર્સિટી કોમન એન્ટ્રન્સ ટેસ્ટ (CUCET) 2022-23 સત્રથી લાગુ કરવામાં આવી શકાય છે.

ઉલ્લેખનિય છે કે, આ વખતે CUCET-2021 નવી એજ્યુકેશન પોલિસી -2020 અનુસાર થવાનું હતુ. આ માટે કેન્દ્રીય યુનિવર્સિટીઓમાં કોમન એન્ટ્રન્સ પરીક્ષા લેવાવાની હતી. આ પરીક્ષામાં મેળવેલા ગુણના આધારે, વિદ્યાર્થીઓને કેન્દ્રીય યુનિવર્સિટીઓમાં પ્રવેશ ફાળવવાનો હતો. CUCETનું આયોજન નેશનલ ટેસ્ટિંગ એજન્સી કરવાની હતી.

English summary

There will be no common entrance test for admission in central universities this year, UGC has decided,