ટીવી કલાકાર સારા ખાનની કારનો અકસ્માત, 5 ઘાયલ

મુંબઇ, 10 ઓગષ્ટ: ગઇકાલે રાત્રે મુંબઇમાં ટીવી અભિનેત્રી સારા ખાનની કાર ડિવાઇડર સાથે ટકરાઇ હતી જેથી એક ભયંકર અકસ્માત થતાં થતાં ટળી ગયો હતો. કારમાં અભિનેત્રી સારાખાન ઉપરાંત તેમના ચાર મિત્રો પણ હતા. પાંચેય લોકોની સામાન્ય ઇજા પહોંચી હતી જેમને પ્રાથમિક સારવાર બાદ હોસ્પિટલમાં રજા આપવામાં આવી હતી. આ કેસ ડ્રિંક એન્ડ ડ્રાઇવનો લાગે છે માટે સારા ખાન અને તેમના મિત્રોનો મેડિકલ ટેસ્ટ કરાવવામાં આવ્યો છે. આ અકસ્માતમાં કારને ભારે નુકસાન પહોંચ્યું છે. પોલીસે બધા લોકો સાથે પૂછપરછ કરી રહી છે. જો કે પોલીસે હાલમાં બેદકારીપૂર્વક ડ્રાઇવિંગ કરવાનો કેસ દાખલ કરી લીધો છે.

પ્રાપ્ત માહિતી અનુસાર સારા ખાન ગત રાતે લગભગ 3 વાગે ઓશિવારામાં એક ટીવી અભિનેત્રીની બર્થડે પાર્ટીથી પરત ફરી રહી હતી. સારા ખાનની કાર એક મિત્ર ચલાવી રહ્યો હતો. સારા ખાનની સાથે ગાડીમાં ટીવી સીરીયલ બાલિકા વધૂમાં આનંદીનો રોલ કરી ચૂકેલી પ્રત્યૂષા બેનર્જી ઉપરાંત 3 લોકો હતા. પોલીસે જણાવ્યું હતું કે કાર ગતિ વધુ હતી અએન ચાલકે સ્ટેરિંગ પર કાબૂ ગુમાવી દિધો હોવાથી કાર ડિવાઇડર સાથે ટકરાઇ હતી.

પોલીસના જણાવ્યા અનુસાર કારના આગળના ભાગના ફૂરચેફૂરચા ઉડી ગયા હતા અને કાર પલટી ગઇ હતી. તાત્કાલીક ક્રેન બોલાવવામાં આવી અને કારને રસ્તાની બાજુએ કરવામાં આવ્યા બાદ બધા લોકોને હોસ્પિટલમાં ભરતી કરાવવામાં આવ્યા હતા. પોલીસે જણાવ્યું હતું કે પાંચેય લોકોને સામાન્ય ઇજા પહોંચી છે પ્રાથમિક સારવાર અને મેડિકલ ટેસ્ટ બાદ તેમને ઓશીવારા પોલીસ સ્ટેશન લાવવામાં આવ્યા હતા જ્યાં તેમની સાથે પૂછપરછ કરવામાં આવી રહી છે. સૂત્રોએ જણાવ્યું હતું કે સાર ખાનની ગાડીમાં ટીવી કલાકાર સિધાર્થ શુક્લા પર હાજર હતા. અત્રે ઉલ્લેખનીય છે કે સિધાર્થ શુક્લા હાલમાં ડાન્સ શો ઝલક દિખલા જામાં પ્રતિભાગી છે.

English summary

TV actress Sara Khan and five others were involved in a car accident late Friday night when the group was returning from a birthday party.