ડ્રગ્ઝ કેસમાં પકડાયેલા એજાઝ ખાનને થયો કોરોના, NCBના અધિકારીઓ પર મંડરાયુ સંક્રમણનુ જોખમ

બૉલિવુડ ડ્રગ્ઝ કેસમાં પકડાયેલ અભિનેતા એજાઝ ખાન કોરોના સંક્રમિત જોવા મળ્યો છે.

મુંબઈઃ બૉલિવુડ ડ્રગ્ઝ કેસમાં પકડાયેલ અભિનેતા એજાઝ ખાન કોરોના સંક્રમિત જોવા મળ્યો છે. નાર્કોટિક્સ કંટ્રોલ બ્યુરો(એનસીબી)એ આ અંગેની સૂચના સોમવારે(5 એપ્રિલ) આપી છે. નાર્કોટિક્સ કંટ્રોલ બ્યૂરોએ હાલમાં જ અભિનેતા એજાઝ ખાનને મુંબઈમાં ડ્રગ્ઝ કેસમાં પકડ્યો હતો. કોરોના પૉઝિટીવ મળ્યા બાદ એજાઝ ખાનને હોસ્પિટલમાં શિફ્ટ કરવામાં આવ્યો છે. એજાઝ ખાન કોરોના સંક્રમિત મળ્યા બાદ તપાસમાં શામેલ નાર્કોટિક્સ કંટ્રોલ બ્યુરોના અધિકારીઓ પર સંક્રમણનુ જોખમ મંડરાઈ રહ્યુ છે. રિપોર્ટ મુજબ આ તપાસમાં શામેલ એનસીબીના અધિકારીઓએ પણ કોરોના ટેસ્ટ કરાવવો પડશે.

મીડિયા રિપોર્ટ મુજબ ડ્રગ્ઝ મામલે પકડાયેલ એજાઝ ખાનની કસ્ટડી આજે સોમવારે ખતમ થઈ રહી હતી અને કોર્ટમાં આજે તેને હાજર કરવાનો હતો. આ દરમિયાન તેનો કોવિડ-19 રિપોર્ટ પૉઝિટીવ આવ્યો છે. કોર્ટમાં એજાઝ ખાનને હવે કોઈ બીજા દિવસે હાજર કરવામાં આવશે. કોર્ટમાં હાજરી પહેલા મેડિકલ તપાસમાં લઈ જતી વખતે મીડિયા સાથે વાતચતી કરતા એજાઝ ખાને દાવો કર્યો કે તેના ઘરમાં માત્ર ચાર ઉંઘની ગોળીઓ મળી હતી. તેણે દાવો કર્યો કે તેની પત્નીનો ગર્ભપાત થઈ ગયો હતો અને માટે તે ડિપ્રેશનમાંથી બહાર નીકળવા માટે આ ઉંઘની ગોળીઓનુ સેવન કરી રહી હતી.

તમને જણાવી દઈએ કે આવુ પહેલી વાર નથી થયુ જ્યારે એજાઝ ખાનની ડ્રગ્ઝ કેસમાં ધરપકડ કરવામાં આવી હોય. આ પહેલા પણ વર્ષ 2018માં નવી મુંબઈ પોલિસે ડ્રગ્ઝ કેસમાં એજાઝ ખાનની ધરપકડ કરી હતી. એ વખતે એજાઝ ખાન પાસેથી લગભગ એક લાખ રૂપિયા અને એમડી ડ્રગ્ઝ જપ્ત કરવામાં આવી હતી. અભિનેતા એજાઝ ખાન 'બિગ બૉસ 7'માં કન્ટેસ્ટન્ટ રહી ચૂક્યો છે.

Actor Ajaz Khan, who was arrested by Narcotics Contro Bureau (NCB) in a drug case, has tested positive for COVID-19. He is being shifted to a hospital. The officer involved in this probe will also undergo COVID test: NCB

(file photo) pic.twitter.com/a5nDB7xpGH

— ANI (@ANI) April 5, 2021

English summary

Ajaz Khan has tested positive for coronavirus, he was arrested by Narcotics Contro Bureau (NCB) in a drug case.