કાકાએ કર્યું જાતિય શોષણ, ડિમ્પલ દગાબાજ : અનીતા

મુંબઈ, 26 નવેમ્બર : રાજેશ ખન્નાના અવસાનને હવે ઘણો વખત પસાર થઈ ગયો, પરંતુ એમ લાગે છે કે જાણે રાજેશ ખન્ના સાથે જોડાયેલ વિવાદો ક્યારેય ખતમ નહિં થાય. કાકાના નિધન દરમિયાન જ કાકાના લિવ ઇન પાર્ટનર અનીતા અડવાણી લાઇમલાઇટમાં આવ્યાં. કહેવામાં આવ્યું કે અનીતા 33 વર્ષોથી કાકાના પ્રેમિકા છે. અનીતાએ પણ રાજેશ ખન્ના સાથે પોતાના સંબંધોની વાત સ્વીકારી, પરંતુ કાકાના અંતિમ સમયે અનીતાને કાકાના પરિવારજનો પત્ની ડિમ્પલ, જમાઈ અક્ષય તેમજ પુત્રી ટ્વિંકલે આશીર્વાદ બંગલામાંથી હાંકી કાઢ્યાં અને ત્યારથી જ અનીતાએ કાકાના પરિજનો વિરુદ્ધ મોર્ચો માંડ્યો છે. હવે અનીતાએ ખુલ્લેઆમ આરોપ મુક્યો છે કે રાજેશ ખન્ના તેમનું યૌન શોષણ કરતા હતાં. અનીતાએ કાકાના પરિવારજનો વિરુદ્ધ કેસ પણ દાખલ કર્યો છે.

અનીતાએ કેસ અંગે એક નિવેદનમાં લખાવ્યું છે કે જ્યારે તેઓ માત્ર 13 વર્ષના હતાં, ત્યારે પહેલી વાર રાજેશ ખન્નાને મળ્યા હતાં. તે વખતે રાજેશ ખન્નાએ તેમને ભેંટી કિસ કરી હતી. પછી રાજેશ ખન્નાએ યુવાવસ્થામાં યૌન શોષણ પણ કર્યું. કોઈને કાકા સાથેના અનીતાના સંબંધોની જાણ ન થાય અને તેમની બદનામી ન થાય, તે ડરથી જ અનીતા જયપુર અભ્યાસાર્થે જતા રહ્યા હતાં.

બાદમાં જ્યારે અનીતા પરત ફર્યાં અને તેમણે કાકા સાથે આ અંગે વાત કરી, તો કાકાએ તેમને પોતાની સાથે લિવ ઇનમાં રહેવાની ઑફર કરી. અનીતાએ આ ઑફર સ્વીકારી લીધી. અનીતાનું એમ પણ કહેવું છે કે કાકા તેમની સાથે લગ્ન કરવા માંગતા હતાં, પરંતુ ડિમ્પલ કાપડિયા સાથે છુટાછેડા ન મળતાં તેઓ લગ્ન ન કરી શક્યાં. જોકે અનીતા કાકા માટે કરવા ચોથ વ્રતથી માંડી દરેક ધર્માચરણ કરતા હતાં, જે એક પત્ની પોતાના પતિ માટે કરે છે.

સાથે જ અનીતાએ એમ પણ જણાવ્યું છે કે કાકાના પત્ની ડિમ્પલે પોતાની પોત્રીઓ સાથે મળી કાનૂની દસ્તાવેજો ઉપર કાકા પાસેથી જોરજબરીથી અંગૂઠાની નિશાની કરાવી લીધી હતી. તેના સબૂત તરીકે અનીતા પાસે એક વીડિયો અને કેટલીક તસવીરો છે. હાલ અનીતાએ કાકાકના પરિવાર જનો પાસે પોતાના હકની માંગણી કરી છે.

English summary

Rajesh Khanna live in partner Anita Advani filed a case against Kaka's family. Anita claims that she was sexually harassed by Rajesh Khanna when she was very young. She also said that Dimple Kapadia with her daughter Twinkle, forced Rajesh Khanna to sign some legal documents.