Pics : નિખિલ જ છે ડી ડેના રીયલ હીરો!

Updated: Tuesday, July 16, 2013, 12:39 [IST]

મુંબઈ, 16 જુલાઈ : નિખિલ અડવાણીની ડી ડે ફિલ્મનું તાજેતરમાં જ સ્પેશિયલ સ્ક્રીનિંગ યોજાઈ કે જેમાં ફિલ્મના કલાકારો ઉપરાંત અન્ય હસ્તીઓએ પણ હાજર રહી. આ પ્રસંગે સૌ કોઈએ ફિલ્મ જોયા બાદ ફિલ્મના દિગ્દર્શક નિખિલ અડવાણીના મન મૂકીને વખાણ કર્યાં.

ડી ડે ફિલ્મમાં એક રૉ એજંટની ભૂમિકા ભજવતાં અભિનેતા અર્જુન રામપાલે તો દિગ્દર્શક નિખિલ અડવાણીને જ આ ફિલ્મના રીયલ હીરો ગણાવ્યાં. રામપાલે ફિલ્મના સ્પેશિયલ સ્ક્રીનિંગ દરમિયાન જણાવ્યું કે અડવાણીની આ મારધાડ તેમજ રોમાંચથી ભરપૂર ફિલ્મ છે. તેમની આ પ્રકારની આ પહેલી ફિલ્મ છે. અર્જુન રામપાલે જણાવ્યું - આ એક ખૂબ જ મુશ્કેલ ફિલ્મ છે. કોઇએ પણ આ પ્રકારની રોમાંચથી ભરપૂર એક્શન ફિલ્મ બનાવવાનો પ્રયત્ન કર્યો નહોતો. અનેક પ્રકારની લાગણીઓ સાથે સૌંદર્યના રંગો ઉભારવા મુશ્કેલ કામ છે અને નિખિલે આ કામ સારી રીતે કર્યું છે. તેઓ આ ફિલ્મના હીરો છે.

ડી ડે ફિલ્મમાં અર્જુન રામપાલ ઉપરાંત હુમા કુરૈશી તેમજ ઇરફાન ખાન અને શ્રુતિ હસન પણ છે. ફિલ્મ 19મી જુલાઈના રોજ રિલીઝ થવાની છે.

આવો સ્પેશિયલ સ્ક્રીનિંગની તસવીરો સાથે વધુ વિગતો જાણીએ :

ચંકી પાન્ડે

ડી ડે એક જાસૂસી રોમાંચક ફિલ્મ છે કે જે આગામી 19મી જુલાઈના રોજ રિલીઝ થઈ રહી છે.

નિખિલ જ અસલી હીરો

સ્પેશિયલ સ્ક્રીનિંગ દરમિયાન ફિલ્મમાં રૉ એજંટની ભૂમિકા ભજવતાં અર્જુન રામપાલે જણાવ્યું કે દિગ્દર્શક નિખિલ અડવાણી જ ફિલ્મના અસલી હીરો છે.

હુમા કુરૈશી

ડી ડેમાં હુમા કુરૈશીએ અર્જુન રામપાલના પત્નીની ભૂમિકા ભજવી છે.

ઉત્સાહિત છે હુમા

હું પહેલી વાર મારધાડ વાળી ફિલ્મ કરી રહી છું અને તેને લઈને ખૂબ ઉત્સાહિત છું. આ એક રીતે એક્શન ફિલ્મ છે કે જેમાં એજંટ પાકિસ્તાન જઈ ત્યાંથી અપરાધીઓને પાછા લાવે છે.