Barbaadiyan Song : હૉટ શાસાએ કર્યા પરસેવે રેબઝેબ

Published: Tuesday, May 7, 2013, 12:40 [IST]

મુંબઈ, 7 મે : યશ રાજ ફિલ્મ્સની નવી ફિલ્મ ઔરંગઝેબ અત્યારથી જ ચર્ચામાં છે. ફિલ્મમાં પ્રથમ વાર પાકિસ્તાની અભિનેત્રી સાશા આગા નજરે પડનાર છે. પ્રોમો જોઈ લાગે છે કે સલમા આગાના આ પુત્રીના ઇરાદા સારા નથી. પોતાની પ્રથમ જ ફિલ્મમાં સાશાએ બિકિની, લિપલૉક તથા ઇંટીમેટ સીન્સની સીમા ઓળંગી દીધી છે.

આંતરિક સૂત્રોના જણાવ્યા મુજબ ફિલ્મમાં અર્જુન કપૂર તથા સાશા આગાના ઇંટીમેટ સીન્સ વિપુલ પ્રમાણમાં છે. ખૂબ જ હૉટ તથા ગ્લૅમર અંદાજમાં ફિલ્માવાયેલ આ સીન્સ કરતાં અર્જુન પરસેવે રેબઝેબ થઈ ગયાં, પરંતુ સાશા સહજ હતાં. તેમણે ખૂબ જ સરળતાથી આ સીન્સ કર્યાં. તેમની તરફથી કોઈ રીટેક ન થયાં, જ્યારે અર્જુન કપૂરના કારણે વારંવાર રીટેક લેવા પડ્યાં.

જોકે બોની કપૂરના પુત્ર અર્જૂન કપૂરે પોતાની પ્રથમ જ ફિલ્મ ઇશકઝાદેમાં પરિણીતી ચોપરા સાથે ઇંટીમેટ સીન આપ્યુ હતું. આમ છતાં સાશા આગાની હૉટનેસ સામે અર્જુન પરસેવે રેબઝેબ થઈ ગયાં.

ઔરંગઝેબ ફિલ્મ 17મી મેના રોજ રિલીઝ થવાની છે. મહત્વની બાબત એ છે કે સલમા આગાએ બૉલીવુડમાં પોતાનું કૅરિયર બી. આર. ચોપરાની હિટ ફિલ્મ નિકાહ સાથે કરી હતી અને તેમના પુત્રી સાશા આગા પણ ચોપરા કૅમ્પ દ્વારા જ બૉલીવુડમાં પગરણ કરી રહ્યાં છે.

Published On May 7, 2013