યશ રાજ ફિલ્મ્સ માટે ગીત ગાશે આયુષ્માન ખુરાના

મુંબઈ, 4 મે : અભિનેતા આયુષ્માન ખુરાના યશ રાજ ફિલ્મ્સની નવી ફિલ્મ માટે એક ગીત ગાશે. તેઓ અગાઉ પાની દા રંગ... અને સાડ્ડી ગલી આજા... જેવા ગીતો ગાઈ ચુક્યાં છે.

આયુષ્માન ખુરાનાએ પોતાની પ્રથમ ફિલ્મ વિકી ડૉનરમાં પાની દા રંગ... ગીત ગાયુ હતું, જ્યારે બીજી ફિલ્મ નૌટંકી સાલા માટે બે ગીતો સાડ્ડી ગલી... અને તૂ હી તૂ... ગાઈ ચુક્યાં છે. આયુષ્માને જણાવ્યું - નૂપુર અસ્થાના દિગ્દર્શિત વાયએરએફની નવી ફિલ્મમાં પણ હું અભિનય ઉપરાંત એક ગીત ગાવનો છું. આ ફિલ્મમાં સોનમ કપૂર તથા ઋષિ કપૂર પણ છે.

આયુષ્માન ખુરાનાએ ભારતીય સિનેમામાં પરિવર્તનો અંગે જણાવ્યું - આપણી ફિલ્મોની વાર્તાઓ તથા વિષયો સાથે-સાથે ફૅશન ક્ષેત્રે પણ નોંધનીય પરિવર્તનો આવ્યાં છે. ભલે તે અમિતાભ બચ્ચનના જમાનાની બેલબૉટમ પેંટ હોય કે જિતેન્દ્રના જમાની ચુસ્ત પેંટ. તેમણે જણાવ્યું કે સિનેમા હંમેશાથી જ ફૅશનને પ્રોત્સાહન આપતુ આવ્યું છે.