OMG! શાહરૂખના નામે વેચાઇ રહી છે સલમાનની 'ટ્યૂબલાઇટ'!

By Shachi
Subscribe to Oneindia News
For Quick Alerts
ALLOW NOTIFICATIONS
For Daily Alerts

    સલમાન ખાનની ઇદ પર રિલીઝ થેયલ ફિલ્મ 'ટયૂબલાઇટ' પાસે દર્શકો અને ફિલ્મમેકર્સને મોટી આશા હતી, પરંતુ ફિલ્મ એ આશા પર ખરી નથી ઉતરી શકી. કબીર ખાને બોલિવૂડને 'બજરંગી ભાઇજાન' જેવી ફિલ્મ આપી છે, જેની સામે 'ટ્યૂબલાઇટ' નબળી પડે છે. ફિલ્મને ક્રિટિક્સ અને દર્શકો બંન્નેએ મિક્સ રિસ્પોન્સ આપ્યો છે. વધારે ખરાબ સમાચાર તો એ છે કે, બેલ્જિયમના થિયેટરમાં આ ફિલ્મ ચલાવવા માટે શાહરૂખના સ્ટારડમનો ઉપયોગ કરવામાં આવી રહ્યો છે.

    શાહરૂખની પોપ્યુલારિટીનો લાભ

    શાહરૂખની પોપ્યુલારિટીનો લાભ

    જી હા, બેલ્જિયમના એક થિયેટરમાં ફિલ્મ 'ટ્યૂબલાઇટ' શાહરૂખના નામે ચલાવવામાં આવી રહી છે. ફિલ્મની કાસ્ટમાં સૌ પ્રથમ સલામનની જગ્યાએ શાહરૂખ ખાનનું નામ લખવામાં આવ્યું છે, જ્યારે કે શાહરૂખ આ ફિલ્મમાં માત્ર એક નાનકડો કેમિયો પ્લે કરી રહ્યાં છે. ઓવરસિઝમાં આમ પણ શાહરૂખ ખાન ખૂબ લોકપ્રિય છે, એ લોકપ્રિયતાનો થોડો લાભ સલમાનની ફિલ્મને પણ મળે વિચારે આ પ્રમોશનલ સ્ટ્રેટેજી વાપરવામાં આવી હોય એમ લાગી રહ્યું છે.

    શાહરૂખનો કેમિયો

    શાહરૂખનો કેમિયો

    'ટ્યૂબલાઇટ'માં શાહરૂખ ખાને એક કેમિયો રોલ પ્લે કર્યો છે અને શાહરૂખ તથા સલમાનનો એ સિન ફિલ્મનો બેસ્ટ સિન કહેવાયો છે. જો કે, આ પહેલીવાર નથી, જ્યારે શાહરૂખ માત્ર એક કેમિયો રોલ પ્લે કરીને આખી ફિલ્મ પર છવાઇ ગયા હોય. આ પહેલાં પણ આવું અનેકવાર થઇ ચૂક્યું છે.

    હર દિલ જો પ્યાર કરેગા

    હર દિલ જો પ્યાર કરેગા

    સલમાન ખાનની જ એક ફિલ્મ 'હર દિલ જો પ્યાર કરેગા'માં શાહરૂખ ખાને 'કુછ કુછ હોતા હે'ની નાનકડી કો-સ્ટાર સાથે કેમિયો રોલ પ્લે કર્યો હતો. ફિલ્મના અંતમાં પણ શાહરૂખ ખાન અને સલમાન ખાન કંઇક રીતે જોવા મળ્યા હતા. ફિલ્મમાં સલમાન સામે રાણી મુખર્જી અને પ્રીટિ ઝિંટા જેવી એક્ટ્રેસિસ હતી અને આમ છતાં શાહરૂખનો આ ક્યૂટ કેમિયો ફિલ્મનું મુખ્ય આકર્ષણ બન્યો હતો.

    સાથિયા

    સાથિયા

    જી હા, 'સાથિયા' ફિલ્મમાં પણ શાહરૂખ ખાન જોવા મળ્યા હતા. ફિલ્મ 'સાથિયા'માં રાણી મુખર્જીનો જે કાર સાથે એક્સિડન્ટ થાય છે, એ કારના માલિક બન્યા હતા શાહરૂખ ખાન અને તેમની પત્નીના રોલમાં જોવા મળી હતી તબ્બુ. શાહરૂખ અને તબ્બુને સ્ક્રિન પર જોઇને થોડી વાર માટે દર્શકો ફિલ્મની વાર્તામાં શું ચાલી રહ્યું છે એ પણ ભૂલી ગયા હતા.

    લક બાય ચાન્સ

    લક બાય ચાન્સ

    ફરહાન અખ્તરની એક્ટર તરીકેની બીજી ફિલ્મ 'લક બાય ચાન્સ'માં બે સુપરસ્ટાર્સ જોવા મળ્યા હતા. શાહરૂખ અને હૃતિક. ફિલ્મમાં શાહરૂખનો ખૂબ નાનકડો કેમિયો છે, પરંતુ તે સ્ક્રિન પર આવે કે તરત છવાઇ જાય છે. આ વાત ફરહાન અખ્તરે જાતે પણ સ્વીકારી હતી.

    ભૂતનાથ

    ભૂતનાથ

    ફિલ્મ 'ભૂતનાથ' આમ તો અમિતાભ બચ્ચન અને નાનાકડા બાળ કલાકારની ફિલ્મ છે, જેમાં શાહરૂખ ખાન તે બાળ કલાકારના પિતાના રોલમાં જોવા મળ્યા હતા. આ ફિલ્મમાં પણ શાહરૂખ ખાનનો નાનકડો રોલ દર્શકોનું ભરપૂર મનોરંજન કરવામાં સફળ રહ્યો હતો.

    હે બેબી

    હે બેબી

    'હે બેબી'નો શાહરૂખનો કેમિયો શાહરૂખ અને તેના ફેન્સ તો શું અક્ષય કુમાર પણ ક્યારેય નહીં ભૂલી શકે. આ ફિલ્મના એક સોંગમાં માત્ર થોડી મિનિટો માટે શાહરૂખ જોવા મળ્યા હતા, પરંતુ તમામ લાઇમલાઇટ લઇ ગયા હતા.

    એ દિલ હે મુશ્કિલ

    એ દિલ હે મુશ્કિલ

    આમ તો ફિલ્મ 'એ દિલ હે મુશ્કિલ'ના લીડ સ્ટાર રણબીર કપૂર અને અનુષ્કા શર્મા હતા, પરંતુ ફિલ્મમાં ઐશ્વર્યા રાયની એન્ટ્રી બાદ જ જમાવટ આવી હતી, એમ સૌનું કહેવું છે. શાહરૂખ ખાનનો કેમિયો સરપ્રાઇઝ રાખવામાં આવ્યો હતો, પરંતુ જ્યારે શાહરૂખ સ્ક્રિન પર આવ્યા ત્યારે તેમના પરથી નજર ખસેડવી મુશ્કેલ હતી. આ નાનકડા રોલમાં ફિલ્મની ટેગ લાઇન કરણ જોહરે શાહરૂખ પાસે બોલાવી હતી. શાહરૂખ, રણબીર અને ઐશ્વર્યાનો એ સિન ફિલ્મનો સૌથી યાદગાર સિન બની રહ્યો.

    English summary
    A theatre in Brussels, Belgium sells Salman Khans Tubelight as Shahrukh Khans film to attract moviegoers.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more