Pics : ભાગ મિલ્ખા ભાગ જોતાં આંખો છલકાઈ જશે : પ્રિવ્યૂ

મુંબઈ, 11 જુલાઈ : મિલ્ખા સિંહના જીવન પર આધારિત ભાગ મિલ્ખા ભાગ આવતીકાલે રિલીઝ થાય છે. ફિલ્મમાં ફરહાન અખ્તર લીડ રોલમાં છે. સ્પેશિયલ સ્ક્રીનિંગ દરમિયાન શાહરુખ ખાન હોય કે અમિતાભ બચ્ચન સૌએ ફિલ્મના અને ફરહાનના વખાણ કર્યાં છે. ફરહાનની એક્ટિંગ જોઈ અનેક લોકોની આંખો છલકાઈ આવી હતી. અમિતાભ પોતે આશ્ચર્યમાં પડી ગયા હતાં.

ભાગ મિલ્ખા ભાગ ફિલ્મની વાર્તા મિલ્ખા સિંહના જીવન પર આધારિત છે. મિલ્ખા સિંહ એક બહુ જ જાણીતા એથલીટ છે કે જેમણે પોતાના સમગ્ર જીવનમાં અનેક મુશ્કેલીઓનો સામનો કર્યો છે. મિલ્ખાની આંખોની સામે જ તેમના માતા-પિતાની હત્યા કરાઈ હતી. બાળપણમાં જ તેઓના માથેથી માતા-પિતાનો પડછાયો ઉઠી ગયો હતો. આમ છતાં તેમણે કઠોર મહેનત કરી અને દેશનું નામ રોશન કર્યું. ફિલ્મમાં મિલ્ખા સિંહના જીવનને કંડારાયું છે. ફિલ્મમાં એવા અનેક પાસાઓ દર્શાવાયા છે કે જેને જોઈ દર્શકોની આંખો છલકાઈ આવશે.

આવો તસવીરો સાથે જાણીએ ભાગ મિલ્ખા ભાગ ફિલ્મ સાથે જોડાયેલી કેટલીક રસપ્રદ વિગતો :

એક રુપિયામાં મળી વાર્તા

ભાગ મિલ્ખા ભાગના નિર્માતા રાકેશ ઓમપ્રકાશ મહેરાને મિલ્ખા સિંહે માત્ર એક રુપિયામાં પોતાની વાર્તા આપી દીધી.

સોનમે 11 રુપિયા લીધાં

સોનમ કપૂરે આ ફિલ્મમાં કામ કરવા માટે માત્ર 11 રુપિયે શુકન તરીકે લીધાં છે. તેઓ ફરહાન સાથે કામ કરવા માંગતા હતાં. તેથી તેમણે આ ફિલ્મ સ્વીકારી.

શાહરુખ-અમિતાભે કર્યા વખાણ

સ્પેશિયલ સ્ક્રીનિંગ દરમિયાન શાહરુખ-અમિતાભે ફરહાન અખ્તરની એક્ટિંગના વખાણ કર્યાં.

કાલે થશે રિલીઝ

ભાગ મિલ્ખા ભાગ 12મી જુલાઈ એટલે કે આવતીકાલે રિલીઝ થશે. પ્રસૂન જોશીએ ફિલ્મના સંવાદો લખ્યાં છે. યુવરાજ સિંહના પિતા યોગરાજ સિંહે ફિલ્મમાં ફરહાનના કોચનો રોલ કર્યો છે.

મિલ્ખા સિંહ ભારતના ગૌરવ

મિલ્ખા સિંહે 1960માં રોમ તેમજ 1964માં ટોક્યો ખાતે ઓલિમ્પિકમાં ભાગ લીધો હતો. ફિલ્મ અંગે નિર્માતા રાકેશ મહેરાએ જણાવ્યું - ભાગ મિલ્ખા ભાગ કોઈ ખાસ રમત, ટ્રૉફી કે મેડલ્સ પર આધારિત નથી, પણ તે મિલ્ખા સિંહની આંતરિક અગ્નિ પ્રકટ કરશે.

English summary

Bhaag Milkha Bhaag starring Sonam Kapoor and Farhan Akhtar is all set to release on 12 th July. Farhaan is getting lots of appreciation for his superb acting in Bhaag Milkha Bhaag. Bhaag Milkha Bhaag is based on the life of Milkha Singh.