Bigg Boss 19 : કોણ છે બિગ બોસમાં ગ્લેમરનો તડકો મારવા જઈ રહેલી વિદેશી હસીના નતાલિયા જાનોઝેક?
Bigg Boss 19 : ટીવીનો સૌથી ચર્ચિત અને વિવાદિત શો બિગ બોસ 19 ફરી એકવાર દર્શકોનું મનોરંજન કરવા માટે તૈયાર છે. આ વખતે શોની થીમ ઘરવાલોં કી સરકાર છે, જે તેને વધુ રસપ્રદ બનાવશે.
આ સીઝનમાં વિવિધ ક્ષેત્રોના કન્ટેસ્ટન્ટ્સ જોવા મળશે, પરંતુ જે નામ સૌથી વધુ ચર્ચામાં છે તે છે પોલિશ અભિનેત્રી નતાલિયા જાનોઝેકનું છે.
કોણ છે નતાલિયા જાનોઝેક?
નતાલિયાનું પૂરું નામ નતાલિયા મેગ્ડાલેના જાનોઝેક છે. તેણી માત્ર એક અભિનેત્રી જ નહીં પણ સિંગર, લેખિકા અને ટીવી પર્સનાલિટી પણ છે. તેણે અનેક આંતરરાષ્ટ્રીય સૌંદર્ય સ્પર્ધાઓમાં ભાગ લીધો છે અને પોતાની અલગ ઓળખ બનાવી છે.
- તેણીએ 'બિહાઇન્ડ ધ સીન્સ ઓફ બોલિવૂડ' નામનું પુસ્તક લખ્યું છે, જેમાં તેણે ભારતીય ફિલ્મ ઉદ્યોગના પોતાના અનુભવો શેર કર્યા છે.
- તેને આંતરરાષ્ટ્રીય સ્તરે '365 ડેઝ' ફિલ્મ ફ્રેન્ચાઇઝી માટે પણ ઓળખવામાં આવે છે.
- બોલિવૂડમાં તેની સૌથી યાદગાર ફિલ્મ 'ચિકન કરી લૉ' (Chicken Curry Law) હતી, જેમાં તેણે એક રેપ વિક્ટિમનું દિલસ્પર્શી પાત્ર ભજવ્યું હતું. આ ફિલ્મમાં તેની સાથે આશુતોષ રાણા, અમન વર્મા અને મકરંદ દેશપાંડે જેવા કલાકારો હતા.
- તાજેતરમાં તે અક્ષય કુમારની ફિલ્મ 'હાઉસફુલ 5' માં પણ જોવા મળી હતી.
બિગ બોસ 19માં નતાલિયાની એન્ટ્રી
નતાલિયાનો 'બિગ બોસ 19' માં પ્રવેશ તેના ચાહકો માટે એક સરપ્રાઈઝ છે. તેની એન્ટ્રીથી શોનો ગ્લેમર અને મનોરંજન બન્ને વધશે. દર્શકો ઉત્સુકતાપૂર્વક રાહ જોઈ રહ્યા છે કે આ વિદેશી અભિનેત્રી ભારતીય દર્શકોના મન પર કેવી છાપ છોડે છે.
Click it and Unblock the Notifications
Sign in with Google
