Bandar Release Date: અનુરાગ કશ્યપની ફિલ્મ 'બંદર'ની રિલીઝ ડેટ જાહેર, બોબી દેઓલ મચાવશે ધમાલ

Bandar Release Date: બોબી દેઓલની (Bobby Deol) બહુપ્રતિક્ષિત ક્રાઈમ-થ્રિલર ફિલ્મ 'બંદર'ની રિલીઝ ડેટ સામે આવી ગઈ છે. અનુરાગ કશ્યપના દિગ્દર્શનમાં બનેલી આ ફિલ્મ લાંબા સમયથી રિલીઝની રાહ જોઈ રહી હતી. તાજેતરમાં બોબી દેઓલે સોશિયલ મીડિયા પર જેલના સળિયા પાછળ ઉભેલા પોતાના પાત્રની એક તસવીર શેર કરી હતી, જેમાં તે કોટ અને ચશ્મામાં જોવા મળ્યો હતો. આ લુકને કારણે ચાહકોમાં ઉત્સુકતા વધી ગઈ છે.

આ ફિલ્મ 22 મે 2026ના રોજ સિનેમાઘરોમાં રિલીઝ થશે. સાચી ઘટનાઓ પર આધારિત આ ફિલ્મનું વર્લ્ડ પ્રીમિયર 'Toronto International Film Festival' (TIFF 2025) માં થઈ ચૂક્યું છે, જ્યાં ફિલ્મને ખૂબ જ સારો પ્રતિસાદ મળ્યો હતો. અનુરાગ કશ્યપે બોબીના અભિનયના વખાણ કરતા કહ્યું હતું કે, તેણે આ ભૂમિકા માટે પોતાને સંપૂર્ણ સમર્પિત કરી દીધો છે અને આ તેના કરિયરનું અત્યાર સુધીનું સૌથી અલગ અને સાહસિક પરફોર્મન્સ છે. બોબી દેઓલ પોતે પણ 'બંદર'ની રિલીઝને લઈને ઉત્સાહિત છે, કારણ કે આમાં તેણે અત્યાર સુધીનું સૌથી અનોખું પાત્ર ભજવ્યું છે.

જોકે, રિલીઝના દિવસે બોક્સ ઓફિસ પર ટક્કર જોવા મળી શકે છે. આ જ તારીખે દિગ્દર્શક ઈન્દ્ર કુમારના પુત્ર અમન કુમાર પોતાની પ્રથમ ફિલ્મ 'તેરા યાર હૂં મેં' સાથે ડેબ્યૂ કરશે. આ રીતે મે 2026માં પ્રેક્ષકોને એક જ દિવસે બે અલગ-અલગ શૈલીની ફિલ્મો જોવા મળશે.

બોબી દેઓલના અન્ય પ્રોજેક્ટ્સ પણ ચર્ચામાં છે. તે 'જના નાયગન' (Jana Nayagan) માં વિલનની ભૂમિકા ભજવી રહ્યો છે, જેમાં વિજય મુખ્ય ભૂમિકામાં છે. આ સિવાય 'આલ્ફા' (Alpha) માં પણ તેની મહત્વની ભૂમિકા છે, જોકે તેની રિલીઝ હજુ નક્કી નથી. બીજી તરફ, તેના ભાઈ સની દેઓલની ફિલ્મ 'બોર્ડર 2' એ વર્ષની શરૂઆતમાં સારું પ્રદર્શન કર્યું હતું. એવામાં મે મહિનો દેઓલ પરિવાર માટે ખાસ સાબિત થઈ શકે છે. 'બંદર'ને લઈને પ્રેક્ષકોમાં ભારે ઉત્સાહ જોવા મળી રહ્યો છે.

English summary

Bandar Release Date: Bobby Deol and Anurag Kashyap’s Crime Thriller to Hit Screens on May 22, 2026; Check First Look & Details