બીજા દિવસે પણ સલમાનને મળવા માટે બોલીવૂડનો જમાવડો

Updated: Friday, May 8, 2015, 12:01 [IST]

"વિપત પડેને ખડે પગે આવીને ઊભો રહે તેનું નામ સાચો મિત્ર". કંઇક આવું જ આજે જોવા મળ્યું જ્યારે બોલીવૂડનો લોક લાડીલો અભિનેતા સલમાન ખાન તેની ઝગમગાતી જીવનશૈલી છોડીને જેલની સળિયા પાછળ જવાની તૈયારીમાં છે ત્યારે.

સલમાન ખાન તેના રમૂજી અને માનવતાવાદી સ્વભાવના કારણે બોલીવૂડમાં ખૂબ જ પ્રખ્યાત છે તે વાત સૌ કોઇ જાણે છે. વધુમાં સલમાન ખાન એક એવો સ્ટાર છે જેણે અનેક લોકોને ફિલ્મ લાઇનમાં લાવવા અને ટકાવી રાખવામાં મદદ કરી છે.

ત્યારે આજે જ્યારે સલમાનને પાંચ વર્ષની સજા થઇ છે અને ઇદ પર પણ સલમાન ખાન જેલમાં જ હશે તેવી શક્યતા વધી રહી છે ત્યારે બોલીવૂડ તેના અને તેના પરિવારને ભાવનાત્મક સાંત્વના આપવા અને સલમાન ખાનના ગેલેક્સી અપાર્ટમેન્ટ ખાતે ઉમટી પડ્યું હતું.

ત્યારે કયા કયા સ્ટારે અત્યાર સુધીમાં સલમાન ખાનને મળવા ગયા હતા તે જુઓ આ ફોટો સ્લાઇડરમાં.

આમીર ખાન મળ્યો સલમાનને

"અંદાજે અપના અપના" જેવી હિટ ફિલ્મો આપનાર સલમાન આમિરની જોડીએ આ દુખની પરિસ્થિતિમાં પણ સાથે હતી. આમીર સલમાનના ઘરે પહોંચી તેને ભેટી પડ્યા.

આમીરે સલમાનની માંને કહ્યું "હું બેઠો છું"

સલમાન ખાનને જ્યારથી કોર્ટે દોષી કરાર કર્યો છે ત્યારથી સલમાન ખાનની માતાની તબિયત ખરાબ છે. ત્યારે આમિરે સલમાનની માને કહ્યું કે "તમારો એક દીકરો ગયો છે પણ બીજો દીકરો બેઠો છે. તો હિંમત ના હારો"

ગંભીર દેખાયો સલમાન

આ કેસ બાદ સલમાન થોડા સમય માટે ભાગ્યેજ બહાર જોવા મળ્યો પણ આમીરની મૂકવા આવેલા સલમાને છેવટે લોકોને પોતાનો ચહેરા બતાવ્યો ખરો. સલમાન આ વખતે ગંભીર અને ચિંતિત દેખાતા હતા.