Deepika Padukone Net Worth : કેટલી સંપતિની માલકિન છે દીપિકા પાદુકોણ? ફિલ્મો સિવાય પણ કરે છે કરોડોની કમાણી

Deepika Padukone Net Worth : અભિનેત્રી દીપિકા પાદુકોણ આજ બોલિવૂડની સૌથી ટોચની અભિનેત્રીઓમાં સામેલ છે. દીપિકા પાદુકોણ ફિલ્મો માટે કરોડો રૂપિયા વસૂલે છે.

જણાવી દઈએ કે, હાલમાં જ માં બનેલી દીપિકા પાદુકોણ ફિલ્મ સિવાય બ્રાન્ડ પ્રમોશન અને બિઝનેસથી પણ કરોડોની કમાણી કરે છે. ૩૯ વર્ષની દીપિકા પાદુકોણ એક સફળ બિઝનેસ વૂમન છે અને ખૂબ પૈસા કમાય છે.

હાલ ફિલ્મોમાંથી બ્રેક લઈને દીપિકા તેની પુત્રી દુઆની સંભાળ રાખવામાં વ્યસ્ત છે અને તેનો બધો સમય તેની પુત્રી અને પરિવારને પણ આપી રહી છે. ફિલ્મ ઉદ્યોગની સૌથી સફળ અભિનેત્રી હોવા ઉપરાંત દીપિકા મોંઘી અભિનેત્રીઓની યાદીમાં પણ સામેલ છે.

ફિલ્મો ઉપરાંત દીપિકા પાદુકોણ ઘણા બિઝનેસની માલિક પણ છે. હાલમાં જ અભિનેત્રીએ તેના પતિ અભિનેતા રણવીર સિંહ સાથે મળીને શાહરૂખ ખાનના ઘર મન્નત પાસે એક વૈભવી એપાર્ટમેન્ટ ખરીદ્યું છે, જેની કિંમત 119 કરોડ રૂપિયા છે.

દીપિકા ઇન્ડસ્ટ્રીમાં સૌથી વધુ કમાણી કરતી અભિનેત્રીઓમાંની એક છે. તે એક ફિલ્મ માટે 15 થી 20 કરોડ રૂપિયા લે છે. કહેવાય છે કે દીપિકાએ પોતાના દમ પર 500 કરોડ રૂપિયાની મિલકત એકઠી કરી છે. દીપિકા એન્ડોર્સમેન્ટ અને તેના વ્યવસાયમાંથી પણ કરોડોની કમાણી કરે છે.

દીપિકાએ 2018 માં પોતાનું પ્રોડક્શન હાઉસ ખોલ્યું છે, જેનું નામ KA પ્રોડક્શન્સ છે. આ પ્રોડક્શન હાઉસના બેનર હેઠળ ફિલ્મ છપાક બનાવવામાં આવી હતી. આ ઉપરાંત દીપિકાની પોતાની સ્કિન કેર બ્રાન્ડ 82°E પણ છે, જેમાંથી તે દર વર્ષે કરોડો રૂપિયા કમાય છે.

દીપિકાની પોતાની કપડાંની બ્રાન્ડ પણ છે, જેમાંથી તે સારી કમાણી કરે છે, આ સિવાય અભિનેત્રીએ ઘણા સ્ટાર્ટઅપ્સમાં પણ રોકાણ કર્યું છે.

English summary

Deepika Padukone Net Worth: How much wealth does Deepika Padukone own?