Dhurandhar Box Office Collection Day 21: 1000 કરોડને પાર થઈ 'ધૂરંધર', બોક્સ ઓફિસ પર મચાવી ધૂમ

By Desk

Published: Friday, December 26, 2025, 23:00 [IST]

Dhurandhar Box Office Collection Day 21: બોલિવૂડ સુપરસ્ટાર રણવીર સિંહની સ્પાય-થ્રિલર ફિલ્મ 'ધુરંધર' બોક્સ ઓફિસ પર રોકાવાનું નામ નથી લઈ રહી. રિલીઝના 21મા દિવસે આ ફિલ્મે એક એવી સિદ્ધિ હાંસલ કરી છે જે અત્યાર સુધી માત્ર ગણ્યાગાંઠ્યા ભારતીય સુપરસ્ટાર્સ જ કરી શક્યા છે. 'ધુરંધર' હવે સત્તાવાર રીતે વર્લ્ડવાઇડ ₹1000 કરોડ ક્લબમાં સામેલ થઈ ગઈ છે.

21 દિવસ અને ₹1006 કરોડની કમાણી

ફિલ્મ મેકર્સ દ્વારા જાહેર કરવામાં આવેલા સત્તાવાર આંકડા મુજબ, 'ધુરંધર' એ રિલીઝના 21મા દિવસે કુલ ₹1006.70 કરોડનું વર્લ્ડવાઇડ કલેક્શન નોંધાવ્યું છે. આ સાથે જ આ ફિલ્મ બોલિવૂડના ઈતિહાસની સૌથી સફળ ફિલ્મોની યાદીમાં સ્થાન પામી છે.

કલેક્શનનો ગ્રાફ

પહેલું અઠવાડિયું: ₹218 કરોડ
બીજું અઠવાડિયું: ₹261.50 કરોડ
15થી 20 દિવસ: ₹160.70 કરોડ
ક્રિસમસ ડે (25 ડિસેમ્બર): ₹28.60 કરોડ (એક જ દિવસમાં)
ભારતનું કુલ કલેક્શન: ₹668.80 કરોડ

આ એલીટ લિસ્ટમાં સામેલ થનારી ચોથી ફિલ્મ

બોલિવૂડમાં અત્યાર સુધી માત્ર ત્રણ જ ફિલ્મો ₹1000 કરોડનો આંકડો પાર કરી શકી હતી- દંગલ, પઠાણ અને જવાન. હવે રણવીર સિંહની 'ધુરંધર' આ પ્રતિષ્ઠિત લિસ્ટમાં સામેલ થનારી ચોથી બોલિવૂડ ફિલ્મ બની ગઈ છે. નોંધનીય છે કે રણબીર કપૂરની 'એનિમલ' પણ ₹915 કરોડ સાથે આ રેસમાં છે, પરંતુ 'ધુરંધર' એ તેને પાછળ છોડી દીધી છે.

કેમ સફળ રહી 'ધુરંધર'?

1. દમદાર સ્ટારકાસ્ટ: રણવીર સિંહ ઉપરાંત અક્ષય ખન્ના, આર. માધવન, સંજય દત્ત અને અર્જુન રામપાલ જેવા દિગ્ગજ કલાકારોના અભિનયે પ્રેક્ષકોને જકડી રાખ્યા.
2. આદિત્ય ધરનું નિર્દેશન: 'ઉરી' ફેમ ડિરેક્ટર આદિત્ય ધરે સાચી ઘટનાઓ પર આધારિત આ સ્પાય-થ્રિલરને અત્યંત રોમાંચક અંદાજમાં રજૂ કરી છે.
3. દેશભક્તિનો રોમાંચ: ફિલ્મમાં દેશ સાથે જોડાયેલી કેટલીક ગંભીર અને મહત્વની ઘટનાઓને સિનેમેટિક લિબર્ટી સાથે રજૂ કરવામાં આવી છે, જે યુવા દર્શકોને ખૂબ પસંદ પડી રહી છે.

નવા વર્ષમાં વધુ કમાણીની આશા

હાલમાં ક્રિસમસની રજાઓ અને ત્યારબાદ નવા વર્ષના વેકેશનને જોતા ટ્રેડ એનાલિટિસ્ટ્સ માને છે કે આ ફિલ્મ હજુ અનેક નવા રેકોર્ડ્સ તોડશે. ખાસ કરીને વિદેશી બજારોમાં પણ ફિલ્મને જબરદસ્ત પ્રતિસાદ મળી રહ્યો છે.

Published On December 26, 2025