What The Fish : સશક્ત વૃદ્ધાનો વેશ ધરતાં ડિમ્પલ!

Published: Thursday, November 14, 2013, 15:35 [IST]

મુંબઈ, 14 નવેમ્બર : અનુભવી અભિનેત્રી ડિમ્પલ કાપડિયાની આગામી ફિલ્મ વૉટ ધ ફિશો ફર્સ્ટ લુક રિલીઝ થઈ ગયો છે. ડિમ્પલ આ ફિલ્મમાં ઉત્તર પ્રદેશના એક વૃદ્ધાના રોલમાં નજરે પડવાના છે. ફિલ્મ આગામી 13મી ડિસેમ્બરના રોજ રિલીઝ થનાર છે.

ડિમ્પલ કાપડિયાએ બૉલીવુડમાં રાજેશ ખન્ના સાથે બૉબી ફિલ્મ દ્વારા કૅરિયર શરૂ કર્યુ હતું. વૉટ ધ ફિશના દિગ્દર્શક ગુરમીત સિંહ છે. ગુરમીતે જણાવ્યું - વૉટ ધ ફિશ ફિલ્મમાં ડિમ્પલ કાપડિયાનો રોલ ખૂબ જ સશક્ત છે. તેઓ એકલા રહે છે. આ રોલ માટે ડિમ્પલ કાપડિયા જ સર્વશ્રેષ્ઠ હતાં. ફિલ્મનું શૂટિંગ પૂરૂ થઈ ગયું છે અને તેનો ફર્સ્ટ લુક પણ રિલીઝ થઈ ગયો છે. તેઓ કહે છે કે ડિમ્પલને ફિલ્મ માટે તૈયાર કરાવવામાં તેમને વધુ મહેનત કરવી પડી નહીં.

ડિમ્પલ કાપડિયા છેલ્લે સૈફ અલી ખાન અને દીપિકા પાદુકોણે અભિનીત કૉકટેલ ફિલ્મમાં દેખાયા હતાં. ગુરમીત સિંહે જણાવ્યું - મેં ડિમ્પલને પટકથા મોકલી અને તેમને ગમી ગઈ. તેઓ ફિલ્મમાં કામ કરવા માટે સંમત થઈ ગયાં. તેમની સાથે સમ્પર્ક સાધવામાં બહુ મુશ્કેલી ન આવી. તેઓ બહુ વિનમ્ર છે. અમે આખી ફિલ્મનું શૂટિંગ પૂર્ણ કરી ચુક્યાં છે. ડિમ્પલ કાપડિયા એક દિગ્ગજ અભિનેત્રી છે અને તેમની સાથે શૂટિંગ કરતા મજા આવી. ગુરમીત સિંહની છેલ્લી ફિલ્મ વૉર્નિંગ 3ડી હતી.

હૉટ બૉબી

ડિમ્પલ કાપડિયાએ પોતાનું બૉલીવુડ કૅરિયર ઋષિ કપૂર સાથે બૉબી ફિલ્મ દ્વારા કર્યુ હતું. પછી તેઓ સુપરસ્ટાર રાજેશ ખન્ના સાથે પરણી ગયા હતાં. જોકે બાદમાં તેઓ રાજેશથી જુદા થઈ પુનઃ બૉલીવુડમાં સક્રિય થયા હતાં.