ડર્ટી ઇમેજથી ત્રાસી ગયાં છે ઇમરાન હાશમી

મુંબઈ, 22 જાન્યુઆરી : બૉલીવુડમાં લોકોને સૂર બદલતા સમય નથી લાગતો. ક્યારેક શરીફાઈનો સૂર અલાપે, તો ક્યારેક બેશરમી ઉપર ઉતરી આવે. એવાં જ એક કલાકાર છે અભિનેતા ઇમરાન હાશમી કે જેમણે થોડાંક વખત અગાઉ રાઝ 3ડી ફિલ્મની સફળતા અંગે જણાવ્યુ હતું કે તેઓ પોતાની સીરિયલ કિસર ઇમેજમાંથી બહાર નથી આવવા માંગતાં, કારણ કે જો લોકો તેમને એવાં જ રોલમાં જોવું પસંદ કરતાં હોય, તો ખોટું શું છે?

હવે તે જ ઇમરાન હાશમીએ જણાવ્યું છે કે તેઓ ફૅમિલી હીરો બનવા માંગે છે. તેથી હવે તેઓ એવી ફિલ્મો કરવા માંગે છે કે જેને પરિવારના લોકો સાથે બેસીને જોઈ-પસંદ કરી શકે. શરત એ છે કે તેમને સારાં રોલ મળે. તેથી ઇમરાન આ વર્ષે જે ફિલ્મોમાં દેખા દેનાર છે, તે ઘણી લાઇટ અને સ્વિટ ફિલ્મો છે જેમ કે ઘનચક્કર અને એક થી ડાયન.

ઇમરાને જણાવ્યું કે હવે હું એવી સ્થિતિમાં આવી ગયો છે કે હું પોતે પોતાની ફિલ્મોની પસંદગી કરી શકુ છું. તેથી હવે હું એવા રોલ કરવા માંગુ છું કે જેની એક મર્યાદા હોય. તેનો મતલબ એ નથી કે છેલ્લે જે પણ ફિલ્મો મેં કરી છે, તેને લઈને મને અફસોસ છે. અરે તે ફિલ્મોના કારણે જ તો હું આજે આ મુકામે છું કે જ્યાંથી હું પોતે રોલની પસંદગી કરી શકુ છું.

નોંધનીય છે કે ઇમરાન હાશમી રાજકુમાર ગુપ્તાના દિગ્દર્શન હેઠળ બનેલ હાસ્ય ફિલ્મ ઘનચક્કરમાં ખૂબ વ્યસ્ત છે. ફિલ્મમાં તેમના કો-સ્ટાર વિદ્યા બાલન છે, તો ઇમરાન એક થી ડાયન ફિલ્મમાં પણ આવી રહ્યાં છે.

માનવું પડશે કે આ એક સારું વલણ છે ભારતીય સિનેમાનું કે જ્યારે હૉટ એન્ડ બોલ્ડ ફિલ્મો રિલીઝ થનાર હોય, તો કલાકારો પોતાની સેક્સી તેમજ ડર્ટી ઇમેજ સાથે પ્રેમ કરવા લાગે છે અને જ્યારે સ્વિટ ફિલ્મ રિલીઝ થનાર હોય, તો તેમને સતિ-સાવિત્રી લુક સારું લાગવાં લાગે છે.

English summary

Emraan Hashmi wants to do family film, he wants family role, Why?