Gauahar Khan Ramp Walk : બેબી બમ્પ સાથે રેમ્પ પર ઉતરી ગૌહર ખાન, જુઓ વીડિયો
Gauahar Khan Ramp Walk : અભિનેત્રી ગૌહર ખાન ફરીથી મા બનવા જઈ રહી છે. બીજી પ્રેગ્નન્સીની તેણીએ હાલમાં જ જાહેરાત કરી છે. પ્રેગનન્સીની જાહેરાત બાદ હાલમાં જ ગૌહર ખાન એક ફેશન શોમાં રેમ્પ વૉક કરતી જોવા મળી હતી.
અહીં ગૌહર ખાન આત્મવિશ્વાસપૂર્વક પોતાનો બેબી બંપ પણ ફ્લોન્ટ કરતી નજરે આવી. તેની આ ઝલક સોશિયલ મિડિયા પર વાયરલ બની થઈ રહી છે અને ચાહકો તેમની ખુબ પ્રશંસા કરી રહ્યા છે.
ગૌહર ખાન એક પ્રસિદ્ધ ફેશન શોમાં ભાગ લેતી જોવા મળી હતી, જ્યાં તેમણે ઇન્ડો-વેસ્ટર્ન લૂકમાં રેમ્પ પર ધમાકેદાર એન્ટ્રી કરી હતી. વાત એ હતી કે તેણી પોતાના બેબી બમ્પ સાથે ખૂબ આત્મવિશ્વાસ સાથે ચાલતી નજરે આવી. તેમના આ વીડિયોને તેમણે તેમના ઈન્સ્ટાગ્રામ સ્ટોરી પર પણ શેર કર્યા છે.
વીડિયોમાં ગૌહરનો મેટર્નિટી ગ્લો તેમના ચહેરા પર સ્પષ્ટ દેખાઈ રહ્યો છે, જે તેના સૌંદર્યમાં ચાર ચાંદ લગાવી રહ્યો છે. તેમના પહેરવેશ અને પોઝિટિવિટી ભરેલા અંદાજે ચાહકોને પણ આશ્ચર્યમાં મૂકી દીધા છે.
ગૌહરના આ વીડિયો પર ચાહકોના મિશ્ર પ્રતિસાદ મળ્યા છે. ઘણા લોકોએ તેમની હિંમત અને આત્મવિશ્વાસની પ્રશંસા કરી છે. જો કે, કેટલાક યૂઝર્સએ ગૌહરને હાઈ હીલ્સ પહેરવા માટે ટ્રોલ પણ કરી.
ગૌહર ખાને હાલમાં જ પોતાના પતિ જાયદ દરબાર સાથે એક વીડિયો શેર કરીને બીજી વખત માતા બનવાની ખુશખબરી આપી હતી. વીડિયોમાં બંને મસ્તીભર્યા અંદાજમાં જોવા મળ્યા હતા, જ્યાં તેમણે પ્રેગ્નન્સીની ઘોષણા કરી હતી.
ઉલ્લેખનીય છે કે ગૌહર પહેલાંથી એક પુત્રની માતા છે, જેને તેમણે 10 મે 2023ના રોજ જન્મ આપ્યો હતો. હાલ તેનો પુત્ર લગભગ બે વર્ષનો થઈ રહ્યો છે. ગૌહર અવારનવાર તેના દીકરાની તસવીરો સોશિયલ મીડિયા પર પણ શેર કરતી રહે છે.
Click it and Unblock the Notifications
Sign in with Google
