અક્ષયના ફેન્સ માટે સારા સમાચાર, કોરોના કાળમાં આટલી ફિલ્મો પુરી કરી ચુક્યો છે અક્ષય કુમાર!

અક્ષય કુમાર પાસે હાલમાં એક ડઝનથી વધુ ફિલ્મો છે. તેની ફિલ્મ 'બેલ બોટમ' આવતા અઠવાડિયે થિયેટરોમાં રિલીઝ થવાની છે, તે પોતાની આગામી ફિલ્મોમાં સતત વ્યસ્ત છે.

By Desk

Published: Wednesday, August 11, 2021, 17:16 [IST]

અક્ષય કુમાર પાસે હાલમાં એક ડઝનથી વધુ ફિલ્મો છે. તેની ફિલ્મ 'બેલ બોટમ' આવતા અઠવાડિયે થિયેટરોમાં રિલીઝ થવાની છે, તે પોતાની આગામી ફિલ્મોમાં સતત વ્યસ્ત છે. તાજેતરમાં, અક્ષય કુમારે ખુલાસો કર્યો કે તેણે કોવિડ 19 ની શરૂઆતથી 5 ફિલ્મોનું શૂટિંગ પૂરું કર્યું છે. અક્ષયે કહ્યું કે, "જો મને સારી સ્ક્રિપ્ટ મળે તો હું ફિલ્મ માટે હા કરું છું. હું સારી વાર્તાઓ ચૂકી જવા માંગતો નથી. હું સમજું છું કે કોઈ નિર્માતા કોઈ અભિનેતાની રાહ જોવા માંગતો નથી. ખાસ કરીને ઓટીટીના આ સમયમાં મારે રોકાવું જોઈએ. સ્ટાર પાવર દેખાડવાનું બંધ કરવુ જોઈએ. બધું સ્ક્રિપ્ટ પર આધાર રાખે છે." અક્ષય કુમારે 2020 માં કોવિડને કારણે લોકડાઉન બાદ ઓગસ્ટમાં લોકડાઉન ખોલતાની સાથે જ ફિલ્મોનું શૂટિંગ શરૂ કર્યું હતું. તેણે પહેલા બેલ બોટમ પૂરી કરી, ત્યારબાદ બચ્ચન પાંડે અને અતરંગી રે. બીજી તરફ પૃથ્વીરાજનું કેટલુક શૂટિંગ કરવામાં આવ્યું છે અને રક્ષા બંધન પણ ફ્લોર પર આવી ગઈ છે.

બેલ બોટમ

બેલ બોટમ 19 ઓગસ્ટે થિયેટરોમાં રિલીઝ થવાની છે. રણજીત તિવારી દ્વારા નિર્દેશિત આ એક થ્રિલર ફિલ્મ છે. અક્ષય કુમાર સાથે વાણી કપૂર, હુમા કુરેશી, લારા દત્તા અને આદિલ હુસૈન આ ફિલ્મમાં જોવા મળશે.

સૂર્યવંશી

રોહિત શેટ્ટીની આ ફિલ્મની રિલીઝ ડેટની આતુરતાથી રાહ જોવાઈ રહી છે. કેટરીના કૈફ સૂર્યવંશીમાં અક્ષય કુમારની સામે જોવા મળશે. જ્યારે અજય દેવગન અને રણવીર સિંહ કેમિયોમાં છે.

અતરંગી રે

આનંદ એલ રાય દ્વારા નિર્દેશિત આ ફિલ્મનું શૂટિંગ પૂર્ણ થયું છે. ફિલ્મમાં અક્ષય કુમાર સાથે ધનુષ અને સારા અલી ખાન જોવા મળશે. હાલમાં તેની રિલીઝ ડેટ જાહેર કરવામાં આવી નથી.

પૃથ્વીરાજ

દિગ્દર્શક ચંદ્રપ્રકાશ દ્વિવેદીની ફિલ્મ પૃથ્વીરાજ 5 નવેમ્બર 2021 એટલે કે દિવાળીએ રિલીઝ થવાની છે. જો કે તે 2022 સુધી લંબાઈ શકે છે. ફિલ્મમાં અક્ષય કુમાર સાથે માનુષી છિલ્લર જોવા મળશે.

બચ્ચન પાંડે

બચ્ચન પાંડે 26 જાન્યુઆરી 2022 ના રોજ રિલીઝ થવાની છે. આ ફિલ્મ સાજીદ નડિયાદવાલાએ પ્રોડ્યુસ કરી છે, જ્યારે ફરહાદ સામજી તેને ડિરેક્ટ કરી રહ્યા છે. ફિલ્મમાં અક્ષય સાથે કૃતિ સેનન, જેક્લીન, અરશદ વારસી અને પંકજ ત્રિપાઠી જોવા મળશે. ફિલ્મનું શૂટિંગ પૂર્ણ થયું છે.

રક્ષાબંધન

આનંદ એલ રાય દ્વારા નિર્દેશિત, આ ઈમોશનલ ડ્રામા ફ્લોર પર આવી ગઈ છે. ફિલ્મમાં અક્ષય કુમાર સાથે ભૂમિ પેડણેકર જોવા મળશે. હિમાંશુ શર્માએ આ ફિલ્મ લખી છે. જ્યારે આનંદ એલ રાય અને અક્ષય કુમારની બહેન અલકા તેને પ્રોડ્યુસ કરી રહ્યા છે.

રામ સેતુ

આ ફિલ્મ પણ ફ્લોર પર છે. રામ સેતુનું નિર્દેશન અભિષેક શર્મા કરે છે અને ક્રિએટિવ પ્રોડ્યુસર ડો. ચંદ્રપ્રકાશ દ્વિવેદી છે. ફિલ્મમાં અક્ષય કુમાર સાથે જેકલીન ફર્નાન્ડીઝ અને નુસરત ભરૂચા જોવા મળશે.

પ્રિયદર્શન સાથેની ફિલ્મ

પ્રિયદર્શને કહ્યું, આ ફિલ્મ કોમેડી અને ઈમોશનથી બનેલી હશે. તમે કહી શકો છો કે ફિલ્મનો 70 ટકા ભાગ કોમેડી હશે અને 30 ટકા ક્લાઇમેક્સ ઈમોશનલ હશે.

મિશન સિન્ડ્રેલા

બેલ બોટમના નિર્દેશક રણજીત તિવારી આ ક્રાઈમ થ્રીલર ફિલ્મની હિન્દી રિમેક બનાવવા જઈ રહ્યા છે. ફિલ્મમાં અક્ષય કુમાર અને રકુલ પ્રીત સિંહ મુખ્ય ભૂમિકામાં જોવા મળશે. અહેવાલો અનુસાર, હિન્દી રિમેકનું શીર્ષક આપવામાં આવ્યું છે મિશન સિન્ડ્રેલા.

Published On August 11, 2021