જામીન ન મળતા શાહરૂખ ખાન આર્યનને મળવા પહોંચ્યો આર્થર રોડ જેલ

બોલિવૂડ સ્ટાર શાહરૂખ ખાન પુત્ર આર્યન ખાનને મળવા માટે મુંબઈની આર્થર રોડ જેલ પહોંચ્યો હતો. આર્યન ખાન મુંબઈ ક્રૂઝ ડ્રગ્સ પાર્ટી કેસમાં હાલ જેલમાં છે.

Published: Thursday, October 21, 2021, 11:37 [IST]

મુંબઈ : બોલિવૂડ સ્ટાર શાહરૂખ ખાન પુત્ર આર્યન ખાનને મળવા માટે મુંબઈની આર્થર રોડ જેલ પહોંચ્યો હતો. આર્યન ખાન મુંબઈ ક્રૂઝ ડ્રગ્સ પાર્ટી કેસમાં હાલ જેલમાં છે. નાર્કોટિક્સ કંટ્રોલ બ્યુરો (એનસીબી) એ આર્યન ખાન વિરુદ્ધ નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (એનડીપીએસ) એક્ટ હેઠળ કેસ નોંધ્યો છે. આર્યન ખાનની જામીન અરજી બુધવારે (20 ઓક્ટોબર) ના રોજ ફગાવી દેવામાં આવી હતી, ત્યારબાદ શાહરૂખ ખાન ગુરુવારે (21 ઓક્ટોબર) સવારે 9.30 કલાકે પુત્ર આર્યનને મળવા જેલ પહોંચ્યો હતો.

#WATCH Shah Rukh Khan leaves from Mumbai's Arthur Road Jail after a brief meeting with son Aryan pic.twitter.com/A9y2exXtn4
— ANI (@ANI) October 21, 2021

આર્યનની ધરપકડ બાદ શાહરૂખ પ્રથમ વખત જોવા મળ્યો હતો

શાહરૂખ ખાન તેના પુત્ર આર્યન ખાનની ધરપકડ બાદ પ્રથમ વખત જાહેરમાં જોવા મળ્યો હતો. શાહરૂખ જેલની બહાર બેઠેલી એક મહિલા અને અન્ય લોકોને હાથજોડીને અભિવાદન કરતો જોવા મળ્યો હતો. આર્યન ખાનને ડ્રગના કેસમાં કથિત જોડાણ માટે 2 ઓક્ટોબરના રોજ નાર્કોટિક્સ કંટ્રોલ બ્યુરો દ્વારા અટકાયતમાં લેવામાંઆવ્યો હતો. શાહરૂખ તે સમયથી કેમેરાથી દૂર રહ્યો હતો.

આર્યન ખાને વધુ દિવસો જેલમાં વિતાવવા પડશે

મુંબઈની એક વિશેષ કોર્ટે બુધવારના રોજ ડ્રગ્સના કેસમાં શાહરૂખ ખાનના પુત્ર આર્યન અને અન્ય બેને જામીન આપવાનો ઇન્કાર કર્યો હતો. આર્યને થોડા વધુ દિવસજેલમાં વિતાવવા પડશે. NCB એ આર્યન ખાન, અરબાઝ મર્ચન્ટ અને મુનમુમ ધામેચા સહિત 10 લોકોની નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (NDPS)એક્ટ હેઠળ ધરપકડ કરી છે.

2 ઓક્ટોબરના રોજ રેડ બાદ આર્યન ખાનની ધરપકડ કરાઇ હતી

મુંબઈ NCB ઝોનલ ઓફિસર સમીર વાનખેડેની આગેવાની હેઠળની NCB ટીમે 2 ઓક્ટોબરની સાંજે મુંબઈથી ગોવા જતી ક્રૂઝ પર રેડ કરી હતી. ક્રુઝ પર રેવ પાર્ટીથવાની હતી. શાહરૂખ ખાનનો પુત્ર આર્યન ખાન પણ આ ક્રૂઝ પર મળ્યો હતો. એનસીબીની ટીમે કથિત રીતે 21 ગ્રામ ચરસ, 13 ગ્રામ કોકેન, 5 ગ્રામ મેફેડ્રોન,એમડીએમએ (એક્સ્ટસી) ની 22 ગોળીઓ અને ક્રૂઝમાંથી 1.33 લાખ રૂપિયા રોકડા જપ્ત કર્યા હતા.

Published On October 21, 2021