'છેલ્લો શો' પર આ ફિલ્મથી પ્રેરિત હોવાનો આરોપ, જાણો શું છે સમગ્ર વિવાદ?
ડિરેક્ટર પાન નલિનની ગુજરાતી ફિલ્મ 'છેલ્લો શો' (ધ લાસ્ટ શો) ને આવતા વર્ષના ઓસ્કાર માટે ભારતની સત્તાવાર એન્ટ્રી તરીકે મોકલવાને લઈને વિવાદ સર્જાયો છે.
ડિરેક્ટર પાન નલિનની ગુજરાતી ફિલ્મ 'છેલ્લો શો' (ધ લાસ્ટ શો) ને આવતા વર્ષના ઓસ્કાર માટે ભારતની સત્તાવાર એન્ટ્રી તરીકે મોકલવાને લઈને વિવાદ સર્જાયો છે. ફેડરેશન ઓફ વેસ્ટર્ન ઈન્ડિયા સિને એમ્પ્લોઈઝ (FWICE) એ આ ફિલ્મને માત્ર વિદેશી ફિલ્મ જ નહીં પરંતુ અન્ય વિદેશી ફિલ્મ 'સિનેમા પેરાડિસો'ની નકલ પણ ગણાવી છે.
FFI એ પસંદગી પ્રક્રિયાને એકદમ સાચી ગણાવી
આ સમગ્ર પ્રક્રિયાનું સંચાલન કરનારી ફિલ્મ ફેડરેશન ઓફ ઈન્ડિયા (FFI)એ પસંદગી પ્રક્રિયાને એકદમ સાચી ગણાવી છે. જોકે, FFI એપણ સૂચવ્યું છે કે, ફિલ્મ 'છેલ્લો શો' 'સિનેમા પેરાડિસો'થી પ્રેરિત હોવાની શક્યતા છે, આ ફિલ્મ ઓસ્કાર પસંદગીના રાઉન્ડમાંથી બહાર થઈશકે છે.
વિદેશી ફિલ્મથી પ્રેરિત ફિલ્મ
ઓસ્કાર એવોર્ડ માટે ફિલ્મનો સૌથી મોટો માપદંડ એ છે કે, ફિલ્મનો વિચાર મૌલિક હોવો જોઈએ અને એવોર્ડ માટે સ્પર્ધા કરતી કોઈપણફિલ્મ ન તો બીજી ફિલ્મની નકલ હોવી જોઈએ અને ન તો તે અન્ય ફિલ્મથી પ્રેરિત હોવી જોઈએ.
આ કારણે હિન્દી ફિલ્મ 'ગલી બોય' નેઅંગ્રેજી ફિલ્મ '8MM'થી પ્રેરિત માનવામાં આવતી હોવાથી તે સ્ક્રૂટિનીમાં જ પડતી મૂકવામાં આવી હતી.
ફિલ્મની પસંદગીમાં કથિત અનિયમિતતા અંગે ફરિયાદ
આ જ ભૂલ ફિલ્મ ફેડરેશન ઓફ ઈન્ડિયાની જ્યુરી દ્વારા થઈ હોવાનું જણાય છે, જેણે આ ફિલ્મને ઓસ્કાર માટે પસંદ કરી હતી.
FWICEએ માહિતી અને પ્રસારણ મંત્રી અનુરાગ ઠાકુરને પત્ર લખીને ફિલ્મની પસંદગીમાં કથિત અનિયમિતતા અંગે ફરિયાદ કરી છે.
વિદેશી કંપનીની ફિલ્મ
આ ફરિયાદ અનુસાર ફિલ્મ 'છેલ્લો શો' એ માત્ર વિદેશી કંપની દ્વારા બનાવવામાં આવેલી ફિલ્મ નથી, પરંતુ તે ગયા વર્ષે જ રિલીઝ કરવામાંઆવી છે.
વિકિપીડિયાએ ટ્રિબેકા ફિલ્મ ફેસ્ટિવલમાં ફિલ્મના પ્રથમ સ્ક્રીનિંગની તારીખનો પણ ઉલ્લેખ કર્યો છે, જે 10 જૂન, 2021 છે.FWICE એ એવો પણ આક્ષેપ કર્યો હતો કે, આ ફિલ્મ વિદેશી ફિલ્મ 'સિનેમા પેરાડિસો'થી પ્રેરિત છે.
અગ્રવાલે જ્યુરીના નિર્ણયને યથાવત રાખ્યો
FFIના પ્રમુખ ટીપી અગ્રવાલે શનિવારના રોજ આ આરોપો પર પોતાની પ્રતિક્રિયા આપી હતી. અગ્રવાલે જ્યુરીના નિર્ણયને યથાવત રાખ્યોછે. જોકે તેમણે એમ પણ કહ્યું કે, ફિલ્મ 'છેલ્લો શો' કથિત ફિલ્મની નકલ નથી, હા તે તેનાથી પ્રેરિત હોય શકે છે.
કિશોરવયના સોનેરી સપનાની સ્ટોરી
ઉલ્લેખનીય છે કે, દર વર્ષે ફિલ્મ ફેડરેશન ઓફ ઈન્ડિયાની જ્યુરી ઓસ્કાર એવોર્ડ સમારોહમાં ભારતનું પ્રતિનિધિત્વ કરવા માટે દેશની તમામભાષાઓમાંથી એક ફિલ્મ મોકલે છે.
આ વર્ષે જ્યુરીએ નિર્દેશક પાન નલિનની ફિલ્મ 'છેલ્લો શો' ને ભારતની સત્તાવાર એન્ટ્રી તરીકે પસંદ કરીછે. આ ફિલ્મ એક ટીનેજરના સિલ્વર સ્ક્રીન સપનાની સ્ટોરી રજૂ કરે છે. ગયા વર્ષે ઓક્ટોબરમાં, આ ફિલ્મે વેલાડોલિડ ઇન્ટરનેશનલ ફિલ્મફેસ્ટિવલમાં શ્રેષ્ઠ ફિલ્મ માટે ગોલ્ડ સ્પાઇક એવોર્ડ જીત્યો હતો.
Jab Indian government RRR jaisi movie ki jagah Chhello Show Jo Hollywood movie PARADISO (1988) ki remake Oscar me bheje .. pic.twitter.com/MVRPnxp8Hd
— Byomkesh (@byomkesbakshy) September 20, 2022
અગ્રવાલ અને અશોક જૂથ સામસામે
ફેડરેશન ઓફ વેસ્ટર્ન ઈન્ડિયા સિને એમ્પ્લોઈઝ (FWICE) એ આ સમગ્ર મામલે કેન્દ્ર સરકારના હસ્તક્ષેપની માગ કરી છે અને એમ પણકહ્યું છે કે, માહિતી અને પ્રસારણ મંત્રાલયે દેશનું પ્રતિનિધિત્વ કરતી ફિલ્મની પસંદગીનો અધિકાર પોતાના હાથમાં લેવો જોઈએ.
અહીં એજાણવું પણ રસપ્રદ છે કે, ફિલ્મ ફેડરેશન ઓફ ઈન્ડિયાના પ્રમુખ ટી. પી. અગ્રવાલ અને IFTDAના પ્રમુખ અશોક પંડિત, જેઓ FFIનીપસંદગી વિરુદ્ધ ફરિયાદ પર હસ્તાક્ષર કરનારાઓમાં સામેલ હતા, તે ફિલ્મ નિર્દેશકોની એક સંસ્થા છે, જેઓ હિન્દી ફિલ્મ ઈન્ડસ્ટ્રી બેવિરોધાભાસી શિબિરોનું પ્રતિનિધિત્વ કરે છે.
ઇન્ડિયન મોશન પિક્ચર્સ પ્રોડ્યુસર્સ એસોસિએશનની તાજેતરમાં યોજાયેલી ચૂંટણીમાં, ફિલ્મનિર્માતાઓની સંસ્થા, અશોક જૂથે ટીપી અગ્રવાલને તેના પ્રમુખ પદેથી હટાવ્યા હતા.
વિવાદ લઈ શકે છે રાજકીય સ્વરૂપ
આ વર્ષે ઓસ્કારમાં ભારતની સત્તાવાર એન્ટ્રી થવા માટે સોશિયલ મીડિયા પર ચર્ચામાં રહેલી બે ફિલ્મો તેલુગુ ફિલ્મ 'RRR' અને હિન્દીફિલ્મ 'ધ કાશ્મીર ફાઇલ્સ' છે.
આ બંને ફિલ્મોના દિગ્દર્શકો, એસ.એસ. રાજામૌલી અને વિવેક અગ્નિહોત્રી, કેન્દ્રમાં સત્તાધારી પક્ષ ભારતીયજનતા પાર્ટીની નજીક છે. ફિલ્મ 'છેલ્લો શો' ની પસંદગી પર સવાલ ઉઠાવનારા અગ્રણી લોકોમાંના એક અશોક પંડિતને ભાજપ સમર્થક જાહેરકરવામાં આવ્યા છે.