Happy Birthday: 36ની ઉંમરે કરોડોની સંપત્તિની માલિક છે તાપસી પન્નૂ, જાણો તેની કુલ સંપત્તિ, આવક, કાર કલેક્શન
Taapsee Pannu Birthday: બૉલિવુડથી લઈને સાઉથ ઈન્ડસ્ટ્રી પર પણ રાજ કરનાર અભિનેત્રી તાપસી પન્નૂ બ્રિલિયન્ટ એક્ટ્રેસ છે એટલુ જ નહિ પરંતુ લોકો તેની સુંદરતાના પણ દીવાના છે. તાપસી પન્નુ તેના દમદાર અભિનયની સાથે સાથે તેની બેબાકી માટે પણ પ્રખ્યાત છે.
તાપસી તેના આકરા નિવેદનોને કારણે સોશિયલ મીડિયા પર છવાયેલી રહે છે. હંમેશા લાઈમલાઈટમાં રહેતી તાપસી પન્નુ આજે તેનો 36મો જન્મદિવસ ઉજવી રહી છે. આવો, તેના જન્મદિવસના અવસર પર જાણીએ તાપસીની નેટવર્થ, ફી અને બીજુ ઘણુ બધુ.
અભિનેત્રી તાપસી પન્નુએ પોતાની મહેનતના દમ પર આજે બૉલિવુડમાં પોતાનું આગવું સ્થાન બનાવ્યું છે. હિન્દી ફિલ્મો સિવાય તેણે કન્નડ, તમિલ અને તેલુગુ ફિલ્મોમાં પણ કામ કર્યું છે. દિલ્હીમાં એક શીખ પરિવારમાં જન્મેલી તાપસી પન્નુ ફિલ્મી દુનિયામાં આવતા પહેલા એક બહુરાષ્ટ્રીય કંપનીમાં સોફ્ટવેર એન્જિનિયર તરીકે કામ કરતી હતી. તાપસીએ ફિલ્મોમાં પ્રવેશતા પહેલા થોડા સમય માટે મોડલિંગમાં પણ પોતાનું કરિયર બનાવ્યું હતું. ફિલ્મોની સાથે તે મોડલિંગમાંથી પણ સારી કમાણી કરતી હતી.
તાપસી પન્નુએ વર્ષ 2010માં તેલુગુ ફિલ્મ ઝૂમંડી નાદમથી ફિલ્મી કરિયરની શરૂઆત કરી હતી. તેણે વર્ષ 2013માં રિલીઝ થયેલી ફિલ્મ ચશ્મે બદ્દૂરથી બૉલિવુડમાં પ્રવેશ કર્યો. આ પછી તાપસીએ પોતાની જોરદાર એક્ટિંગથી લોકોને દીવાના બનાવ્યા છે. ઘણી સુપરહિટ ફિલ્મોમાં કામ કરી ચૂકેલી તાપસી પન્નુ શાહી જીવનશૈલી જીવવાનું પસંદ કરે છે.
આજના સમયમાં તાપસી પન્નુ પોતાની મહેનતના જોરે કરોડોની સંપત્તિની માલિક બની ગઈ છે. caknowledge.com ના અહેવાલ મુજબ, વર્ષ 2022માં, તાપસી પન્નુની કુલ સંપત્તિ લગભગ 6 મિલિયન ડૉલર એટલે કે લગભગ 45 કરોડ રૂપિયા છે. તાપસી પન્નુ એક મહિનામાં લગભગ 30થી 35 લાખ રૂપિયા કમાય છે. તે એક વર્ષમાં 4 કરોડ રૂપિયા સુધીની કમાણી કરે છે. તાપસી એક ફિલ્મ કરવા માટે 2થી 3 કરોડ રૂપિયા લે છે.
મીડિયા રિપોર્ટ્સ અનુસાર, તાપસી પન્નુ સાઉથની સાથે સાથે બૉલિવુડ ફિલ્મોમાંથી પણ ઘણી કમાણી કરે છે. આ સિવાય તે બ્રાન્ડ પ્રમોશનની મદદથી લાખો રૂપિયા કમાય છે. અભિનેત્રી દરેક બ્રાન્ડ એન્ડોર્સમેન્ટ માટે 2 કરોડ રૂપિયા સુધી ચાર્જ કરે છે. અભિનેત્રી તાપસી પન્નુએ પણ પ્રોપર્ટીમાં રોકાણ કર્યું છે.
અભિનેત્રી તાપસી પન્નુ તેની બહેન શગુન પન્નુ સાથે મુંબઈના અંધેરી વિસ્તારમાં એક આલીશાન 2 BHK એપાર્ટમેન્ટમાં રહે છે, જ્યાં તે વર્ષ 2021માં શિફ્ટ થઈ હતી. આ નવા એપાર્ટમેન્ટને તાપસીની બહેન શગુન દ્વારા ડિઝાઇન કરવામાં આવ્યું છે. તાપસીએ આ ઘરનું નામ પન્નુ પિંડ રાખ્યું છે. આ એપાર્ટમેન્ટની કિંમત લગભગ 10 કરોડ છે. તમને જણાવી દઈએ કે તાપસી પન્નુ પાસે અંધેરી વિસ્તારમાં જ ત્રણ બીજા ફ્લેટ છે.
તાપસી પન્નુને લક્ઝુરિયસ લાઈફસ્ટાઈલની સાથે સાથે મોંઘા અને શાહી વાહનોનો પણ શોખ છે. તેના કાર કલેક્શનમાં અનેક પ્રકારના લક્ઝુરિયસ વાહનો છે. તાપસી પાસે BMW 5 સિરીઝ, મર્સિડીઝ SUV અને Renault Captura જેવા વાહનો છે.
Click it and Unblock the Notifications
Sign in with Google
