Pics : ‘હીરો-હીરોઇન ફૉર્મ્યુલા કારગત નથી’

મુંબઈ, 18 જુલાઈ : કોઈ પણ ફિલ્મની સફળતાનો આધાર માત્ર હીરો-હીરોઇન ન હોઈ શકે. હાલનો જમાનો સ્ક્રિપ્ટનો છે અને હીરો-હીરોઇન ફૉર્મ્યુલા લાંબા સમય સુધી સાથ ન આપી શકે.

આમ કહેવું છે વિશાખા સિંહનું કે જેઓ પોતાની આવનાર ફિલ્મ બજાતે રહોના પ્રમોશન દરમિયાન બોલી રહ્યા હતાં. છેલ્લે ફુકરે ફિલ્મમાં દેખા દેનાર વિશાખાએ જણાવ્યું કે તેમની ફિલ્મ અંકુર અરોરા મર્ડર કેસમાં કોઈ મોટા ગજાના હીરો-હીરોઇન નહોતાં. કલાકારોની ટુકડી અને સારી સ્ક્રિપ્ટ જ ફિલ્મની સફળતામાં મહત્વનો ભાગ ભજવે છે.

ફુકરે અને અંકુર અરોરા મર્ડર કેસ બંને ફિલ્મોમાં કલાકારોની ટુકડી હતી અને વિશાખા સિંહ પણ તેનો એક ભાગ હતાં, તો વિશાખાની આગામી ફિલ્મ બજાતે રહો પણ મલ્ટીસ્ટારર ફિલ્મ છે કે જેમાં તુષાર કપૂર, રણવીર શૌરી, રવિ કિશન, વિનય પાઠક તથા ડૉલી અહલુવાલિયા જેવા કલાકારો છે. બજાતે રહો એક કૉમિક થ્રિલર ફિલ્મ છે અને વિશાખા સિંહ તેમાં કામ કરી ખુશ છે.

આવો તસવીરો સાથે જાણીએ વધુ વિગતો :

ધારદાર ભૂમિકામાં વિશાખા

વિશાખા સિંહે બજાતે રહોના પ્રમોશન દરમિયાન જણાવ્યું કે તેઓ બજાતે રહો ફિલ્મ કરી ખૂબ ખુશ હતાં, કારણ કે ઘણા સમય બાદ તેઓ એક ધારદાર ભૂમિકામાં છે. જોકે ફિલ્મ ખૂબ જ કૉમેડી છે અને તેમાં તેઓ એક સાહસી શીખ મહિલાની ભૂમિકામાં છે.

રવિ કિશને ઉજવ્યો જન્મ દિવસ

બજાતે રહો ફિલ્મના પ્રમોશન દરમિયાન રવિ કિશને પોતાનો જન્મ દિવસ પણ ઉજવ્યો. ફિલ્મના સાથી કલાકારોએ રવિને કેક ખવડાવી હતી.

પ્રાણને શ્રદ્ધાંજલિ

બજાતે રહો ફિલ્મની ટીમે પ્રાણના નિધનના પગલે ફિલ્મનું મ્યુઝિક લૉન્ચ કાર્યક્રમ સ્થગિત કરી નાંખ્યું હતું.

હવે પીરિયડ ફિલ્મમાં

વિશાખા સિંહની આગામી ફિલ્મ આશુતોષ ગોવારીકરની ખેલેં હમ જી જાન સે છે કે જે એક પીરિયડ ફિલ્મ છે.

મલ્ટીસ્ટારર ફિલ્મ

ફિલ્મ બજાતે રહો પણ મલ્ટીસ્ટારર ફિલ્મ છે કે જેમાં તુષાર કપૂર, રણવીર શૌરી, રવિ કિશન, વિનય પાઠક તથા ડૉલી અહલુવાલિયા જેવા કલાકારો છે.

ડૉલીની મહત્વની ભૂમિકા

બજાતે રહો ફિલ્મમાં ડૉલી અહલુવાલિયા પણ મહત્વની ભૂમિકા ભજવી રહ્યાં છે.

English summary

Hackneyed plot revolving around hero-heroine no more triumphs at the box office feels Vishakha Singh and adds that this is the age of good scripts.