નક્કી સમય કરતાં વહેલી પૂર્ણ થઈ હાઈવે

મુંબઈ, 7 જૂન : ઇમ્તિયાઝ અલીએ આલિયા ભટ્ટ તથા રણદીપ હુડા અભિનીત ફિલ્મ હાઈવેનું શૂટિંગ એટલું ઝડપથી કર્યું કે ફિલ્મ નક્કી સમય કરતાં આઠ દિવસ અગાઉ એટલે કે 28મી મેએ જ પૂર્ણ થઈ ગઈ છે.

જબ વી મેટ તથા રૉકસ્ટારના શૂટિંગ દરમિયાન ઘણા પ્રવાસો કરનાર હાઈવે ફિલ્મના દિગ્દર્શક ઇમ્તિયાઝ અલીએ જણાવ્યું - અત્યાર સુધી બનાવાયેલી મારી ફિલ્મો કરતાં આ ફિલ્મમાં સૌથી વધુ સ્થળોએ શૂટિંગ કરવામાં આવ્યું છે અને આમ છતાં સૌથી ઓછા સમયમાં તેનું શૂટિંગ ખતમ થઈ ગયું. ખરેખર હાઈવે નામ ધરાવતી આ ફિલ્મના શૂટિંગ આ જ રીતે થવી જોઇતી હતી.

હાઈવે ફિલ્મના શૂટિંગ માટે 60 દિવસનો સમયગાળો નક્કી કરાયો હતો, પરંતુ ઇમ્તિયાઝ અલી તથા તેમની ટીમે ભારતના છ રાજ્યોમાં કરાયેલ પડકારજનક શૂટિંગ 52 દિવસોમાં જ પૂર્ણ કરી નાંખ્યું.

કરણ જૌહર નિર્મિત સ્ટુડન્ટ ઑફ ધ ઈયર સાથે બૉલીવુડ પ્રવેશ કરનાર આલિયા ભટ્ટની આ બીજી ફિલ્મ છે અને તેઓ આ ફિલ્મ અંગે ખૂબ જ ઉત્સાહિત પણ છે.

English summary

'Highway' shoot wrapped ahead of schedule The shoot for Imtiaz Ali's film Highway, starring Alia Bhatt and Randeep Hooda with music by AR Rahman, was wrapped on May 28.