જુદા-જુદા રહેશે કલ્કી-અનુરાગ, પણ છુટાછેડા નહીં લે

Updated: Monday, January 13, 2014, 13:13 [IST]

મુંબઈ, 14 નવેમ્બર : કલ્કી કોચલીન તેમજ તેમના પતિ અનુરાગ કશ્યપે એક-બીજાથી જુદા-જુદા રહેવાનો નિર્ણય કર્યો છે, પણ બંનેએ છુટાછેડા લેવાનો ઇનકાર કર્યો છે. અનુરાગ તરફથી નિવેદન આવ્યું છે કે તેઓ થોડોક સમય પોતાના પત્ની કલ્કીથી દૂર રહેવા માંગે છે. જોકે તેઓ છુટાછેડા અંગે નથી વિચારતાં, પણ તેમને પોતાના સંબંધ માટે થોડોક વદુ સમય જોઇએ.

કલ્કીનું પણ કંઇક આવું જ કહેવું છે કે તેઓ અનુરાગ કશ્યપ સાથે પોતાના પરિણીતી સંબંધોમાંથી થોડાક સમય માટે બ્રેક લઈ રહ્યાં છે. કલ્કી અને અનુરાગ વચ્ચે કેટલાક સમયથી બધુ બરાબર નથી ચાલી રહ્યું. જ્યારથી હુમા કુરૈશી અને અનુરાગ વચ્ચે અફૅરની ચર્ચાઓ શરૂ થઈ, ત્યારથી કલ્કી-અનુરાગ વચ્ચે ખટરાગ પેદા થયો છે. એક સમાચાર પત્રના જણાવ્યા મુજબ અનુરાગ-હુમા વચ્ચે ગૅંગ્સ ઑફ વાસેપુર ફિલ્મના શૂટિંગ દરમિયાન નિકટતાઓ વધી, પણ પછી અનુરાગ-હુા બંનેએ આ સમાચારોને ખોટા ગણાવ્યાં અને સાથે જ આ અંગે કંઈ પણ કહેવાનો ઇનકાર કરી દીધો. હુમા-અનુરાગે જણાવ્યું હતું કે તેઓ એક-બીજા સાથે માત્ર કામ કરતા હતા. તેમની વચ્ચે કંઈ નથી.

હવે નવા સમાચાર આવ્યાં છે કે કલ્કી કોચલીને અનુરાગ કશ્યપનું ઘર છોડી દીધું છે અને તેઓ હવે પોતાના ઘરે રહેવા જતા રહ્યાં છે. જાણવા એમ પણ મળ્યુ હતું કે કલ્કીએ અનુરાગ કશ્યપ વિરુદ્ધ છુટાછેડાનો કેસ પણ નોંધાવ્યો છે, પણ કલ્કીએ મીડિયાને જણાવ્યું કે અમે છુટાછેડા માટેની અરજી નથી કરી રહ્યાં. બસ એક-બીજાથી જુદા રહેવા માંગીએ છીએ. કલ્કીએ જણાવ્યું કે તેમના અને અનુરાગ વચ્ચે થોડોક તણાવ છે. બસ એટલે જ થોડોક સમય એક-બીજાથી અલગ રહેવા માંગીએ છીએ.