Pics : ડિફરંટ લુક્સમાં દેખાશે કંગના રાણાવત

Published: Friday, September 27, 2013, 12:31 [IST]

મુંબઈ, 27 સપ્ટેમ્બર : બૉલીવુડમાં ગૅંગસ્ટર ગર્લ તરીકે સ્થાપિત કંગના રાણાવત આગામી સમયમાં ડિફરંટ લુક્સમાં દર્શકો સામે આવશે. કંગનાની આવનારી ફિલ્મો તેમને ડિફરંટક લુક્સમાં રજૂ કરશે.

અત્યાર સુધી લવર ગર્લ અને નાજુક અભિનેત્રી તરીકેના રોલ કરી ચુકેલા કંગના રાણાવત સમજી ચુક્યાં છે કે બૉલીવુડમાં ટકી રહેવા માટે કંઇક ડિફરંટ કરતાં રહેવું પડશે અને તેમની આ સમજણ તેમની આવનારી ફિલ્મો તથા તેમના નામોથી સ્પષ્ટ વર્તાઈ આવે છે.

કંગના રાણાવતની સૌથી મહત્વની ફિલ્મ ક્રિશ 3 છે કે જેમાં તેઓ સુપર વુમનનો રોલ કરી રહ્યાં છે. હૃતિક રોશન અને વિવેક ઓબેરૉય સાથેની આ ફિલ્મ 4થી નવેમ્બરે રિલીઝ થવાની છે. કંગના ક્રિશ 3 ફિલ્મમાં એક અલગ જ સ્વરૂપે દર્શકો સામે આવશે, તો તેમની વધુ એક ફિલ્મ રજ્જો પણ 15મી નવેમ્બરે રિલીઝ થવાની છે કે જેમાં તેઓ એક મુસ્લિમ નર્તકીનો રોલ કરી રહ્યાં છે. આ ફિલ્મમાં સત્તર વર્ષનો છોકરો પારસ તેમનો હીરો બન્યો છે.

દરમિયાન કંગનાએ તાજેતરમાં જ રિવૉલ્વર રાણી ફિલ્મ પણ સાઇન કરી છે. ફિલ્મના નામ પરથી જ સ્પષ્ટ છે કે તેમાં કંગના કોઈ લવર ગર્લનો રોલ નહીં કરે. તેવી જ રીતે કંગનાની વધુ એક ફિલ્મ ક્વીન પણ કંઈક એવા જ વિષય પર આધારિત ફિલ્મ હશે.

આવો તસવીરો સાથે જાણીએ કંગના રાણાવત વિશે વધુ વિગતો :

રજ્જોનો ફર્સ્ટ લુક

વિશ્વાસ પાટિલની ફિલ્મ રજ્જોનો ફર્સ્ટ લુક જાહેર થઈ ગયો છે. તેમાં કંગના રાણાવત એક મુસ્લિમ નર્તકીનો રોલ કરી રહ્યાં છે. ફિલ્મમાં મુજરા કરનાર મહિલાઓની ખરાબ સ્થિતિ વિશે પણ કહેવાયું છે.

કલેજા હાજિર હૈ

રજ્જો ફિલ્મમાં કંગના રાણાવત કલેજા હાજિર હૈ... મુજરો પણ કરવાનાં છે. રજ્જો 15મી નવેમ્બરે રિલીઝ થશે.

સુપર વુમન

રજ્જો પહેલા ક્રિશ 3 ફિલ્મ રિલીઝ થશે કે જેમાં કંગના રાણાવત નકારાત્મક ભૂમિકા ભજવી રહ્યાં છે. ફિલ્મમાં તેમણે સુપર વુમનનો રોલ કર્યો છે.

રિવૉલ્વર રાણી

કંગનાએ તાજેતરમાં જ રિવૉલ્વર રાણી ફિલ્મ સાઇન કરી છે. તે અંગે તેમનું કહેવું છે કે રિવૉલ્વર રાણીમાં મારો રોલ ખૂબ જ મુશ્કેલ છે. મને લાગે છે કે રિવૉલ્વર રાણીમાં મારો અત્યાર સુધીનો સૌથી મુશ્કેલ રોલ છે.