વિદ્યા-સિદ્ધાર્થને કરણ જૌહર આપશે સરપ્રાઇઝ
મુંબઈ, 31 ડિસેમ્બર : કરણ જૌહરને એમ તો શાહરુખ ખાનની નજીક ગણવામાં આવે છે, પરંતુ બૉલીવુડમાં બીજા પણ સ્ટાર્સ છે કે જેમના ખાસ મિત્રોમાં તેમની ગણતરી થાય છે. એવાં જ ખાસ સ્ટાર છે યુટીવી મોશનના હૅડ અને તાજેતરમાં જ વિદ્યા બાલનના પતિ બનનાર મિસ્ટર સિદ્ધાર્થ રૉય કપૂર. તેમના માટે કરણ જૌહર એક મસ્ત-મસ્ત સરપ્રાઇઝ પ્લાન કરવાં જઈ રહ્યાં છે. તે પણ નવા વર્ષે એટલે કે 4થી ફેબ્રુઆરીએ.
હકીકતમાં સિદ્ધાર્થ સાથે કરણના ખૂબ સારા રિલેશન છે. એક બાજુ કરણ જૌહરનું પરિવાર વ્યક્તિગત રીતે કપૂર ખાનદાન સાથે નજકથી સંકળાયેલ છે, તો બીજી બાજુ પ્રોફેશનલ રીતે સિદ્ધાર્થની કમ્પની સાથે પણ કરણ જોડાયેલાં છે. તેથી બંને વચ્ચે સંબંધ ખૂબ ગાઢ છે. તેથી કરણ જૌહર વિદ્યા અને સિદ્ધાર્થના લગ્ન-સમારંભ માટે કંઇક સારૂ પ્લાન કરી રહ્યાં છે. વિદ્યા-સિદ્ધાર્થ પોતાના લગ્નની ખુશાલીમાં 4થી ફેબ્રુઆરીના રોજ એક મોટી એવી પાર્ટી મુંબઈમાં યોજી રહ્યાં છે. તેની તૈયારની જવાબદારી કરણ જૌહરને સોંપવામાં આવી છે. કરણ આ પાર્ટીના હોસ્ટ પણ બન્યાં છે.
જોકે એવો પહેલો પ્રસંગ નથી કે જ્યારે કરણ મિયા આ પ્રકારનું કામ કરવા જઈ રહ્યાં છે. આ અગાઉ અભિષેક બચ્ચન અને ઐશ્વર્યા રાયના લગ્ન પ્રસંગે યોજાયેલ સંગીત સમારંભની જવાબદારી પણ કરણ સારી રીતે નિભાવી ચુક્યાં છે, તો બીજી બાજુ તાજેતરમાં સૈફ અલી ખાન અને કરીના કપૂરની ગ્રાન્ડ મૅરેજ પાર્ટીના કેટલાંક અંશો પણ કરણે જ દિગ્દર્શિત કર્યા હતાં.