Pics: આમિરને મુકી સલમાનને ફેવીકૉલ લગાવતાં કરીના

Published: Saturday, December 1, 2012, 16:58 [IST]

મુંબઈ, 1 ડિસેમ્બર : કહે છે કે દરેક અભિનેત્રી માટે તેમની ફિલ્મનું પ્રીમિયર સૌથી મહત્વનું હોય છે, પરંતુ જો કોઈ અભિનેતા એક ફિલ્મનું પ્રીમિયર છોડી પોતાની આવનાર બીજી ફિલ્મના પ્રમોશન માટે જાય, તો આપ શું કહેશો? એ જ ને કે અભિનેતા માટે પેલી બીજી ફિલ્મ વધુ મહત્વની છે. હા જી, એટલે જ તો કરીના કપૂર અંગે લોકો કહી રહ્યાં છે કે તેમને તલાશ કરતાં પોતાના નજીકના મિત્ર સલમાનની ફિલ્મની ચિંતા વધુ છે અને તેથી તેઓ જ્યારે આમિર ખાનને તેમની સૌથી વધુ જરૂર હતી, ત્યારે તેઓ સલમાન ખાનના શો બિગ બૉસમાં ફેવીકૉલ સૉંગનું પ્રમોશન કરી રહ્યા હતાં.

જોકે કરીનાનું કહેવું છે કે સલમાન ખાન, શાહરુખ ખાન અને આમિર ખાન ત્રણે સાથે કરીનાની ખૂબ સારી બૉડિંગ છે અને તેઓ ત્રણે ખાનોની ખૂબ જ નજીક પણ છે. તેમણે એમ પણ જણાવ્યું - મને લાગે છે કે તમામ ખાનો સાથે મારું ફેવીકૉલ કનેક્શન છે.

પરંતુ કરીનાએ તાજેતરમાં તલાશ ફિલ્મનું પ્રીમિયર છોડી દબંગ 2 ફિલ્મના ફેવીકૉલ સૉંગનું પ્રમોશન કરી સાબિત કરી આપ્યું કે આમિર કરતાં તેમને પોતાના મિત્ર સલમાન ખાનની ચિંતા વધારે છે.

તલાશના પ્રીમિયર પ્રસંગે કરીના કપૂર તો આવ્યા નહીં, પણ તેમના પતિ રણધીર કપૂર જરૂર આવ્યાં. કરીનાની ગેરહાજરીના પગલે સૈફ અલી ખાન પણ આ પાર્ટીમાં હાજર ન થયાં. જોકે તલાશ ફિલ્મ બૉક્સ ઑફિસે ઘણો સારો બિઝનેસ કરી રહી છે અને આશા છે કે આ ફિલ્મ પણ વર્ષે 200 કરોડ ક્લબમાં શામેલ થશે, પરંતુ કરીનાની આ પ્રકારની બેદરકારીનું કારણ તો કઈંક ઓર જ હશે. થોડાંક સમય અગાઉ કરીનાએ જણાવ્યું હતું કે તેમના પતિ સૈફે તેમને ફેવીકૉલ ગીત કરવા માટે ફોર્સ કર્યુ હતુ અને જણાવ્યુ હતું કે આ ફિલ્મ આ વરસની સૌથી સફળ ફિલ્મ હશે. આખરે તેમાં સલમાન ખાન છે. તો ક્યાંક કરીના આમિરની સરખામણીમાં સલમાનને વધુ હિટ ગણી મહત્વ તો નથી આપી રહ્યાં?

આવો હાલ તો આપણે તસવીરોમાં જોઇએ કે સલમાન સાથે કરીનાએ કેવી ધમાલ-મસ્તી કરી.