સૈફ અલી ખાન ફરીથી પિતા બન્યા, કરીના કપૂરે દીકરાને જન્મ આપ્યો

બૉલીવુડ એક્ટ્રેસ કરીના કપૂર કાને ફરીથી દીકરાને જન્મ આપ્યો છે. કરીના કપૂર અને તેના પતિ સૈફ અલી ખાન ફરીથી માતા-પિતા બન્યા છે. કરીના કપૂર અને બાળક બંને સ્વસ્થ હોવાનું જાણવા મળ્યું છે. કરીના કપૂર અને સૈફ અલી ખાનના પરિવાર તરફથી આ અંગે હજી કોઈ માહિતી નથી આપી. કરીના કપૂર અને સૈફ અલી ખાનનું આ બીજું બાળક છે. 2016માં કરીના કપૂરે પહેલા દીકરા તૈમૂર અલી ખાનને જન્મ આપ્યો હતો.

કરીના કપૂરે શનિવારે સાંજે દીકરાને જન્મ આપ્યો કે રવિવારે વહેલી સવારે તે અંગે હજી સુધી કોઈ માહિતી નથી મળી શકી. ફરીથી માતા પિતા બનવા પર કરીના કપૂર અને સૈફ અલીન ખાનને બૉલીવુડ ડિઝાઈનર મનીષ મલ્હોત્રાએ સોશિયલ મીડિયા પર શુભેચ્છા પાઠવી છે. મનીષ મલ્હોત્રાએ લખ્યું, "અભિનંદન, કરીના કપૂર અને સૈફ અલી ખાન."

રણબીર કપૂરની બહેન રિદ્ધિમા કપૂર સાહનીએ સોશિયલ મીડિયા પર ખુલાસો કર્યો કે દંપતિએ ફરી એકવાર દીકરાને જન્મ આપ્યો છે. નોંધનીય છે કે તૈમૂરની મા કરીનાએ ઓગસ્ટ 2020માં પોતાની બીજી પ્રેગ્નેન્સી વિશે જણાવ્યું હતું. કરીના અને સૈફે કહ્યું હતું કે, "અમને જણાવીને બહુ ખુશી થઈ રહી છે કે અમે અમારા પરિવાર માટે વધુ એક સભ્યની ઉમ્મીદ કરી રહ્યા છીએ. તમને બધા જ શુભચિંતકોને પ્રેમ માટે ધન્યવાદ."

કરીના કપૂર અને સૈફ અલી ખાન ફિલ્મ ટશન અને ઓમકારા જેવી ફિલ્મોના સહ કલાકાર રહી ચૂક્યા છે. સૈફ અલી ખાને કરીના કપૂર સાથે 16 ઓક્ટોબર 2012ના રોજ લગ્ન કર્યાં હતાં.

English summary

kareena kapoor gave birth to baby boy