Exclusive : કેવો હશે કેબીસી 6નો છેલ્લો એપિસોડ?

Updated: Monday, January 21, 2013, 16:14 [IST]

મુંબઈ, 21 જાન્યુઆરી : અમિતાભ બચ્ચનનો પ્રસિદ્ધ ટેલીવિઝન શો કૌન બનેગા કરોડપતિ સીઝન 6 એટલે કે કેબીસી 6 છેલ્લા તબક્કામાં પહોંચી ગયો છે. થોડાંક જ દિવસ અગાઉ અમિતાભે શોનો છેલ્લો એપિસોડ શુટ કર્યો. દર રોજ ઉત્સાહ સાથે સેટ પર પહોંચી દર્શકોનું સ્વાગત કરનારતથા હૉટ સીટ પર બેસતાં કન્ટેસ્ટંટનો જોશ વધારનાર અમિતાભ શોના છેલ્લા એપિસોડના શુટિંગ દરમિયાન ઘણાં દુઃખી અને ઉદાસ નજરે ચડ્યાં.

અમિતાભ બચ્ચને શોની સમાપ્તિનો દુઃખ પોતાના ફેસબુક તથા ટ્વિટર ઍકાઉંટ વડે પણ લોકો સાથે શૅર કર્યો. અમિતાભ બચ્ચને કેબીસીના છેલ્લા એપિસોડના શુટથી એક દિવસ અગાઉ ટ્વિટર પર લખ્યું - અને કેબીસી કાલે ખતમ થઈ જશે, સીઝન ખતમ, 21 હફ્તાઓ, માય ગૉડ. લાગે છે કે જાણે ગઈકાલની જ વાત હોય. ઘણું બધું થયું અને તે બધા પાછળ કારણો હતાં. અમિતાભે 20મી જાન્યુઆરીના રોજ કે જ્યારે કેબીસીનો છેલ્લો એપિસોડ રેકૉર્ડ થઈ રહ્યો હતો, ત્યારે ટ્વિટ કર્યું - કેબીસી ખતમ થઈ ગયો. ક્યારેય વિચાર્યુ નહોતું કે તે શરૂ થશે અને ક્ષણભરમાં ખતમ થઈ જશે.

ફેસબુક પર ભી અમિતાભે લખ્યું - કેબીસીની આવૃત્તિની સમાપ્તિ થઈ રહી છે. ખૂબ દુઃખ થઈ રહ્યું છે. હું પોતાની લાગણીઓ શબ્દોમાં વ્યક્ત નથી કરી શકતો. તે દર્શકો હતાં કે જેઓ અહીં આસ્થા સાથે આવ્યાં અને ખૂબ શાંતિ તથા શિષ્ટાચારપૂર્વક બેસ્યાં. મને ઉમ્મીદ છે કે જલ્દીથી હું ફરી સૌને સામે આવીશ.

હવે આપને બતાવીએ કે આ શોના છેલ્લા દિવસે શું થશે? શોનો છેલ્લો એપિસોડ 26મી જાન્યુઆરીએ ટેલીકાસ્ટ થશે. તેની શરુઆત અમિતાભના એક ઑડિયો-વીડિયો સાથે થશે. તેમાં અમિતાભને પોતાના બંગલા પ્રતીક્ષામાંથી નિકળતાં તથા શો માટે સ્ટુડિયો આવતાં દર્શાવાશે.

આ વીડિયોમાં અમિતાભના અવાજમાં એક ઑડિયો છે કે જેમાં અમિતાભ બતાવશે કે આજ તેમનું મન શુટિંગ પર જવાનું નથી કરતું, કારણ કે તેઓ ખૂબ દુઃખી છે. જે દર્શકો સાથે તેઓ દરરોજ મળતા હતાં, આજે તેમની સાથે છેલ્લી મુલાકાત હશે. શોના છેલ્લા એપિસોડમાં શો દરમિયાન સારીએવી રકમ જીતનાર તથા પોતાનું જીવન બદલી નાંખનાર કેટલાંક પ્રતિભાગીઓને પણ બોલાવાયા છે. તેઓ શો સાથે જોડાયેલ પોતાના અનુભવો દર્શકો સાથે શૅર કરશે. અમિતાભ અને પ્રતિસ્પર્ધીઓ વચ્ચે શો દરમિયાન થયેલ કેટલીક ખાટી-મીઠી વાતો અને યાદો આ એપિસોડમાં દોહરાવવામાં આવશે. સાથે જ બૅક સ્ટેજ અમિતાભના શોને ક્રૂ સાથે થતી મસ્તીઓ પણ દર્શાવાવશે.