કિયારા અડવાણીએ સિદ્ધાર્થ મલ્હોત્રા સાથે લગ્ન પછી પહેલી રસોઈમાં શું બનાવ્યુ હતુ ખાસ, હવે કર્યો ખુલાસો
Kiara Advani: કિયારા અડવાણી અને સિદ્ધાર્થ મલ્હોત્રાનું નામ બી-ટાઉનના સૌથી ફેમસ અને ક્યૂટ કપલની યાદીમાં સામેલ છે, બંનેને તેમના ફેન્સ ખૂબ પસંદ કરે છે. ઘણીવાર બંનેની સુંદર તસવીરો સાથે આવતી રહે છે. હાલમાં જ કિયારાએ એક ઈન્ટરવ્યુમાં જણાવ્યું હતું કે સિદ્ધાર્થ સાથે લગ્ન કર્યા પછી તેણે પહેલી રેસિપી કઈ બનાવી હતી.
કિયારા અડવાણી અને સિદ્ધાર્થ મલ્હોત્રા પોતાની ઑન-સ્ક્રીન કેમેસ્ટ્રી અને ઑફ-સ્ક્રીન રોમાન્સથી લાખો લોકોના દિલ જીતી લીધા છે. ચાહકો બંનેના દરેક અપડેટ પર નજર રાખે છે અને આ જોડી પર પ્રેમ વરસાવે છે.
કિયારા અડવાણી હાલમાં એક ઇન્ટરવ્યુમાં લગ્ન પછી તેણે બનાવેલી પ્રથમ રેસીપી શેર કરવાનું કહેવામાં આવ્યું હતું. અભિનેત્રીને પૂછ્યું, "લગ્ન પછી તમે તમારા રસોડામાં સૌથી પહેલા કઈ રેસિપી બનાવી?" કિયારાએ હસતાં-હસતાં કહ્યું, "મેં હજી કંઈ રાંધ્યું નથી, બસ પાણી ઉકાળ્યું છે."
પોતાને ભાગ્યશાળી ગણાવતા કિયારાએ ખુલાસો કર્યો કે તેના પતિ અને અભિનેતા સિદ્ધાર્થ એક ઉત્તમ શેફ છે. તેણે કહ્યું, "હું નસીબદાર છું કારણ કે મારા પતિને રસોઈ બનાવવી ગમે છે, તેથી મોટાભાગે તે કંઈક રાંધે છે અને હું ખાઉં છું.
પછી આગળ વાત કરતા કિયારાએ સિદ્ધાર્થ વિશે કહ્યું, "તે ખરેખર ખૂબ જ સારી રોટલી બનાવે છે. રોટલી બનાવવી એ અઘરુ કામ છે પરંતુ તે ખૂબ જ સારી રોટલી બનાવે છે. આ બધાની વચ્ચે કિયારા અડવાણીએ તેના પતિ સિદ્ધાર્થ મલ્હોત્રાના ખૂબ વખાણ કર્યા.
કિયારાના વર્કફ્રન્ટ વિશે વાત કરીએ તો, સત્યપ્રેમકી કથાની સફળતા પછી, કિયારા હવે રામ ચરણની સામે ગેમ ચેન્જરમાં જોવા મળશે. સિદ્ધાર્થના કામ વિશે વાત કરીએ તો અભિનેતા પાસે વિવેક ઑબેરોય અને શિલ્પા શેટ્ટી સાથે રોહિત શેટ્ટીની ભારતીય પોલીસ ફૉર્સ છે.
Click it and Unblock the Notifications
Sign in with Google
