ઇમરાન હાશમીના ઘરમાં છોકરીએ મચાવ્યો હોબાળો
મુંબઈ, 19 એપ્રિલ : સામાન્ય રીતે અનેક ફિલ્મોમાં જોવામાં આવે છે કે કોઈ છોકરી હીરોના ઘરમાં પોલીસ લઈને ઘુસી જાય અને કહે કે સાહેબ આ જ તે છોકરો છે કે જેણે મારી સાથે લગ્ન કર્યાં અને છોડીને જતો રહ્યો, પરંતુ રીલ લાઇફનો આ રીયલ ડ્રામ સીરિયલ કિસર ઇમરાનના ઘરમાં ગઈકાલે ત્યારે થયો કે જ્યારે તેઓ પોતાની ફિલ્મ એક થી ડાયનના સ્પેશિયલ પ્રીમિયરમાં જવાના હતાં.
ઇમરાન હાશમી ઘરેથી નિકળતા હતાં કે તે જ વખતે રશ્મિ સિંહ નામની એક છોકરી પોલીસ ફોર્સ સાથે ઇમરાનના ઘરે પહોંચી ગઈ અને ચીસો પાડી કહેવા લાગી - ઇમરાન હાશમીએ મારી સાથે લગ્નનો વાયદો કર્યો હતો, પરંતુ પોતાનો મતલબ પૂરો થયા બાદ મને છોડીને જતા રહ્યાં છે. રશ્મિ સિંહનું કહેવું છે કે ઇમરાન અને તેમની વચ્ચે ફિજિકલ રિલેશન્સ પણ છે. છોકરી લખનઉની રહેવાસી છે.
જોકે છોકરીનું આ નાટક વધુ વાર ચાલી શક્યું નહીં, કારણ કે છોકરી હકીકતમાં ઇમરાન હાશમીને ઓળખતી જ નહોતી. પોલીસનું કહેવું છે કે છોકરીની મનોસ્થિતિ સારી નથી. અમે તેના અંગે તપાસ કરી રહ્યાં છીએ. ખેર હોબાળો શાંત તો થઈ ગયો, પરંતુ ત્રણ કલાક ચાલેલ આ નાટકે ઇમરાન હાશમી અને તેમના પરિવારને હેરાન જરૂર કરી નાંખ્યાં. હોબાળો શાંત થયા બાદ જ ઇમરાન એક થી ડાયન ફિલ્મના પ્રીમિયર માટે નિકળી શક્યાં.
Click it and Unblock the Notifications
Sign in with Google
