સોનાક્ષી સિન્હાના લગ્નમાં કેમ સામેલ ના થયા ભાઈ લવ? એક સપ્તાહ પછી આપ્યો જવાબ, કહ્યુ - 'મારી સામે ખોટા...'
Sonakshi Sinha Zaheer Iqbal Wedding: બોલિવૂડ અભિનેત્રી સોનાક્ષી સિન્હાએ તાજેતરમાં તેના લાંબા સમયના બોયફ્રેન્ડ ઝહીર ઈકબાલ સાથે લગ્ન કર્યા છે. 23 જૂનના રોજ, કપલે તેમના પરિવારના સભ્યોની હાજરીમાં રજિસ્ટર્ડ લગ્ન કર્યા હતા. જોકે, અભિનેત્રીનો ભાઈ લવ સિન્હા તેની એકમાત્ર બહેનના લગ્નમાંથી ગાયબ રહ્યો હતો.
સોનાક્ષી સિન્હાના લગ્નમાં ભાઈની ગેરહાજરી બધાએ ધ્યાનમાં લીધી. આ પછી લવ સિન્હા તેની બહેનના લગ્નમાં ન આવવાને કારણે સોશિયલ મીડિયા પર ભારે ટ્રોલ થયા હતા. જો કે, લાંબા સમય સુધી આ અંગે મૌન જાળવી રાખ્યા બાદ લવે કારણ જણાવ્યુ.
લવ સિંહાએ પોતાની ઈન્સ્ટાગ્રામ સ્ટોરી પર એક પોસ્ટ શેર કરી છે. જેમાં તેણે લખ્યું, 'મેં શા માટે ભાગ ન લેવાનો નિર્ણય કર્યો. ખોટા આધારો પર મારી સામે ઓનલાઈન ઝુંબેશ ચલાવવાથી એ હકીકત બદલાશે નહીં કે મારા માટે મારો પરિવાર હંમેશા પ્રથમ આવે છે. લવ સિંહાના નિવેદનથી સ્પષ્ટ થઈ ગયું છે કે તે તેની બહેન સોનાક્ષી સિંહાથી નારાજ નથી.
અગાઉ, સિદ્ધાર્થ કાનનને આપેલા એક ઇન્ટરવ્યુમાં લવ સિંહાએ કહ્યું હતું કે, "મારી બહેનને રાતોરાત સફળતા મળી, આવી સ્થિતિમાં તમે લોકોથી ઘેરાયેલા છો અને દરેક વ્યક્તિ પોતાના ફાયદા માટે આવે છે. હું મારી બહેનને વધુ કહી શકતો નથી, એને હું બહુ ટોકતો નથી કારણ કે મને લાગે છે કે તેનું પોતાનું જીવન છે, હું તમને ધ્યાનમાં રાખવાનું સૂચન કરી શકું છું કે કોણ સાચું છે અને કોણ ખોટું છે, કોઈ કૂવામાં કૂદવાની ના પાડી શકો પરંતુ જેણે કૂદવાનું છે તે કૂદી જ જશે.
તમને જણાવી દઈએ કે સોનાક્ષી સિન્હા છેલ્લા 7 વર્ષથી ઝહીર ઈકબાલને ડેટ કરી રહી છે. બંનેની પહેલી મુલાકાત સલમાન ખાનની પાર્ટીમાં થઈ હતી. બંને પાર્ટીઓમાં ઘણી વખત સાથે જોવા મળ્યા છે, જોકે આ કપલે ક્યારેય તેમના સંબંધોને સત્તાવાર જાહેર કર્યા નથી. જો રિપોર્ટ્સનું માનીએ તો આ કપલે 2022માં જ ગુપ્ત રીતે સગાઈ કરી લીધી હતી.
Click it and Unblock the Notifications
Sign in with Google
