એમ એસ ધોની: રેકૉર્ડ પર રેકૉર્ડ બનાવી રહી છે આ 100 કરોડની ફિલ્મ... ધમાકેદાર!

સુશાંતસિંહ રાજપૂત સ્ટારર ફિલ્મ એમ એસ ધોનીએ બે સપ્તાહમાં 121.48 કરોડનું કલેક્શન કરી લીધુ છે. જી હા, માત્ર આટલુ જ નહિ, આ ફિલ્મ બૉલિવુડની સૌથી વધુ કમાણી કરનારી બાયોપિક ફિલ્મ બની ચૂકી છે. બીજા નંબરે છે 103.5 કરોડ સાથે ફરહાન અખ્તરની ફિલ્મ ' ભાગ મિલ્ખા ભાગ ' જ્યારે 85 કરોડ સાથે ' ધ ડર્ટી પિક્ચર ' ત્રીજા નંબરે. નીરજ પાંડેની આ ફિલ્મે એક પછી એક ઘણા રેકૉર્ડસ તોડ્યા છે. એમાં કોઇ બેમત નથી કે આ 2016 ની એક શાનદાર ફિલ્મ સાબિત થઇ છે.

તમને જણાવી દઇએ કે આ ફિલ્મ આ વર્ષની પાંચમી 100 કરોડી ફિલ્મ છે. ધોની ઉપરાંત સુલતાન, એરલિફ્ટ, હાઉસફૂલ 3 અને રુસ્તમે 100 કરોડનો આંકડો પાર કર્યો છે.

એમ એસ ધોની બૉલીવુડની 100 કરોડ ક્લબની 46 મી ફિલ્મ બની છે.

તમને જણાવી દઇએ કે, પહેલા વીકેંડ પર ઓવરસીઝ કમાણીમાં એમ એસ ધોની આ વર્ષની ચોથી સૌથી વધુ કમાણી કરનારી ફિલ્મ છે. તેની ઉપર.. સુલતાન, ફેન અને હાઉસફૂલ 3 છે.

આ ઉપરાંત, એમ એસ ધોની - ધી અનટોલ્ડ સ્ટોરી પહેલા વીકેંડમાં સૌથી વધુ કમાણી કરનારી બાયોપિક ફિલ્મ બની ગઇ છે.

આટલુ જ નહિ, આ ફિલ્મ સુશાંતસિંહ રાજપૂતના કેરિયરની અત્યાર સુધીની સૌથી મોટી ઓપનર સાબિત થઇ છે. આ ફિલ્મે 21.50 કરોડની ઓપનિંગ કરી છે.

વળી, નીરજ પાંડેના કેરિયરની પણ સૌથી મોટી ઓપનર સાબિત થઇ છે.

એમ એસ ધોની વર્ષ 2016 ની બીજી સૌથી મોટી ઓપનિંગ ફિલ્મ છે. આ પહેલા માત્ર સલમાનખાનની ફિલ્મ સુલતાન જ છે.

આ ફિલ્મ લગાન બાદ સૌથી વધુ કમાનારી ક્રિકેટ ફિલ્મ છે, જેને દર્શકોએ આટલી પસંદ કરી છે.

English summary

M.S. Dhoni – The Untold Story Becomes The Highest Grossing Biopic Ever.