નાના પડદાના હોસ્ટ મનીષ પૉલ બન્યાં હીરો!

Updated: Tuesday, September 17, 2013, 17:01 [IST]

મુંબઈ, 18 જુલાઈ : નાના પડદાના લોકપ્રિય હોસ્ટ મનીષ પૉલ ટુંકમાં જ મોટા પડદે દેખાશે. તેઓ મિકી વાયરસ ફિલ્મ દ્વારા બૉલીવુડમાં પ્રવેશ કરી રહ્યાં છે. મિકી વાયરસનો ફર્સ્ટ લુક જાહેર થઈ ગયો છે.

મિકી વાયરસ કૉમિક થ્રિલર ફિલ્મ છે કે જેનું દિગ્દર્શન સૌરભ વર્મા કરી રહ્યાં છે. ફિલ્મનું શૂટિંગ શરૂ થઈ ગયું છે. પટકથા પણ સૌરભે જ લખી છે. ફિલ્મમાં મનીષ પૌલ ઉપરાંત એલી અવરામ, મનીષ ચૌધરી, પૂજા ગુપ્તા તથા વરુણ બડોલા પણ લીડ રોલમાં છે. મિકી વાયરસ ફિલ્મ સપ્ટેમ્બરમાં રિલીઝ થવાની છે.

ટેલીવિઝન ઉપર ડાન્સ ઇન્ડિયા ડાન્સ લિટલ માસ્ટર, સા રે ગા મા પા સિંગિંગ સુપરસ્ટાર તથા ઝલક દિખલા જા 5 જેવા અનેક રિયલિટી શોના હોસ્ટ રહી ચુકેલા મનીષ ભારપૂર્વક કહે છે કે ફિલ્મોમાં આવવાની ઘેલછાના કારણે તેઓ હોસ્ટ નહોતા બન્યાં. તેમણે જણાવ્યું એક વખતે હું રેડિયો જૉકી પણ રહી ચુક્યો છું. ઘણા લોકોને એમ લાગે છે કે કદાચ મારી પાસે કોઈ બીજું કામ નથી, તેથી હું કાર્યક્રમોની યજમાની કરુ છું, પરંતુ હકીકત એ છે કે મને જ્યારેય કોઈ કામની ઑફર મળી, મેં એ નથી જોયું કે કામ કેટલું મોટું છે કે નાનું.