ચૂંટણી પંચની ટીમએ જોઈ મોદીની બાયોપિક, રિલીઝ પરથી રોક હટી શકે છે

સુપ્રીમ કોર્ટના આદેશ બાદ બુધવારે ચૂંટણી પંચની ટીમએ વડા પ્રધાન નરેન્દ્ર મોદી પર બનેલી ફિલ્મ 'પીએમ નરેન્દ્ર મોદી' જોઈ હતી.

Updated: Friday, April 19, 2019, 11:26 [IST]

સુપ્રીમ કોર્ટના આદેશ બાદ બુધવારે ચૂંટણી પંચની ટીમએ વડા પ્રધાન નરેન્દ્ર મોદી પર બનેલી ફિલ્મ 'પીએમ નરેન્દ્ર મોદી' જોઈ હતી. ફિલ્મ જોયા પછી, ચૂંટણી પંચ ફરીથી ફિલ્મના પ્રકાશનને રોકવાના તેના નિર્ણયને ધ્યાનમાં લેશે. આ ફિલ્મના સ્પેશિયલ સ્ક્રિનિંગમાં ચૂંટણી પંચના સાત અધિકારીઓ હાજર હતા. સુપ્રીમ કોર્ટે ચૂંટણી પંચને ફિલ્મ જોયા પછી બેનના નિર્ણય પર ફરી વિચારણા કરવા જણાવ્યું છે.

આ પણ વાંચો: તનુશ્રી દત્તાએ અજય દેવગણ પર આરોપ લગાવ્યો, જાણો આખો મામલો

રિલીઝ પર પ્રતિબંધની વિરુદ્ધ SC પહોંચ્યા છે નિર્માતા

ચૂંટણી પંચે ફિલ્મની રિલીઝના એક દિવસ પહેલા 10 એપ્રિલના રોજ રિલીઝ પર રોક લગાવી દીધી હતી. ચૂંટણી જ્યાં સુધી પુરી ન થાય ત્યાં સુધી કમિશનએ ફિલ્મની રીલીઝને રોકી છે. ચૂંટણી પંચના ફિલ્મ પર બેનના નિર્ણય વિરુદ્ધ ફિલ્મ નિર્માતાઓ સુપ્રીમ કોર્ટમાં ગયા છે.

EC એ 22 મી એપ્રિલ સુધી સુપ્રીમ કોર્ટને આપવાનો છે જવાબ

સુપ્રિમ કોર્ટે સોમવારના રોજ ફિલ્મ પીએમ નરેન્દ્ર મોદી પર ચૂંટણી પંચના નિર્ણયની વિરુદ્ધ કરેલી અરજી ચૂંટણી પંચને આદેશ આપ્યો છે કે તે ફિલ્મ જોવે અને પછી નક્કી કરે કે ફિલ્મ પર પ્રતિબંધ મૂકવો જોઈએ કે નહીં. સુપ્રીમ કોર્ટે ચૂંટણી પંચને 22 એપ્રિલે કોર્ટની સામે તેમનો પક્ષ રાખવા માટે કહ્યું છે.

પ્રથમ રિલીઝ ડેટ બંધ રહી પછી થઇ બેન

નરેન્દ્ર મોદી પર બનેલી પ્રથમ ફિલ્મ 5 એપ્રિલે રિલીઝ થવાની હતી, ત્યારબાદ તેની રિલીઝ તારીખ 11 એપ્રિલ થઇ હતી. વિરોધ પક્ષે કોર્ટને ફિલ્મ પર પ્રતિબંધ મૂકવાની માંગ કરી હતી પરંતુ ત્યાંથી લીલો સિગ્નલ મળ્યો હતો. અંતે, ચૂંટણી પંચે પ્રથમ તબક્કાના મતદાન પહેલાં જ આ ફિલ્મ પર પ્રતિબંધ મૂક્યો હતો.

વિવેક ઓબેરોય આ ફિલ્મમાં પ્રધાન મંત્રી નરેન્દ્ર મોદી અને મનોજ જોશી અમિત શાહ ભૂમિકામાં છે. મોટાભાગની ફિલ્મ ગુજરાતમાં શૂટ કરવામાં આવી છે. ફિલ્મમાં દર્શન કુમાર, બોમન ઈરાની, ઝરિન વહાબ અને બરખા બિસ્ટ પણ જોવા મળશે. આ ફિલ્મ ઓમંગ કુમાર નિર્દેશિત કરી રહ્યા છે. એસ સિંઘ, આનંદ પંડિત અને સુરેશ ઓબેરોય તેને પ્રોડ્યુસ કરી રહ્યા છે.